வெள்ளி, 27 மே, 2011

சிறிலங்காவின் போர்க்கருத்தரங்கை புறக்கணிக்க வேண்டும் – தென்கொரிய ஊடகமும் அழைப்பு

சிறிலங்கா இராணுவம் நடத்தவுள்ள போர்க்கருத்தரங்கில் தென்கொரியா பங்கேற்கக் கூடாது என்று தென்கொரிய ஊடகம் ஒன்றில் மனிதஉரிமைகள் கண்காணிப்பகத்தின் ஆசிய பசுபிக் பிராந்திய பணிப்பாளர் பிரட் அடம்ஸ் கோரிக்கை விடுத்துள்ளார்.

‘ஜுங்அங் டெய்லி‘ என்ற தென்கொரிய ஊடகத்தில் சிறிலங்காவின் மனிதஉரிமை மீறல்கள், போர்க்குற்றங்களைச் சுட்டிக்காட்டியுள்ள பிரட் அடம்ஸ், சிறிலங்கா இராணுவத்தின் போர்க்கருத்தரங்கை ஏனைய நாடுகளுடன் இணைந்து தென்கொரியாவும் புறக்கணிக்க வேண்டும் என்று அழைப்பு விடுத்துள்ளார்.

சிறிலங்காவின் மோசமான முன்னுதாரணத்தை ஏனைய நாடுகளுக்கு ஏற்றுமதி செய்வதற்கு நடத்தப்படும் இந்தக் கருத்தரங்கை அமெரிக்கா, கனடா, பெரும்பாலான ஐரோப்பிய நாடுகள், ஜப்பான், அவுஸ்ரேலியா போன்றவற்றுடன் இணைந்து தென்கொரியாவும் புறக்கணிக்க வேண்டும் என்றும் அவர் கோரியுள்ளார்.

தெனிகொரியா இதில் பங்கேற்கவுள்ளதாக கூறியுள்ள நிலையில், இந்த மாநாட்டில் பங்கேற்றாலும் கூட, போர்க்குற்றங்கள் தொடர்பான சுதந்திரமான அனைத்துலக விசாரணைக்கு தென்கொரியா அழைப்பு விடுக்க வேண்டும் என்றும் பிரட் அடம்ஸ் கோரிக்கை விடுத்துள்ளார்.

கருத்துகள் இல்லை: