எனது பதிவுகள் -வரலாறும் வாழ்க்கையும்

ஊடகங்களின் பொய் அம்பலம்: கடாபியின் இறுதிநேர காணொளி !

2011-10-21T22:28:00.000+02:00

மஹிந்த, பாலித, திஸர ஆகியோருக்கு எதிராக அவுஸ்திரேலியாவில் விசாரணை தொடங்கியது!(காணொளி)

2011-10-19T09:25:00.002+02:00

அவுஸ்திரேலியா இலங்கைக்கு எதிரான போர்க்குற்ற விசாரணையை ஆரம்பித்திருக்கின்றது. அவுஸ்திரேலியாவின் சமஸ்டிப் பொலிஷார் இந்த விசாரணையினை ஆரம்பித்திருப்பதாக அவுஸ்திரேலியன் ஒலிபரப்புக் கூட்டுத்தாபனம் செய்தி வெளியிட்டிருக்கின்றது.

போர்க் காலத்தில் இடம்பெற்ற போர்க்குற்றங்களின் நேரடிச் சாட்சியமான அவுஸ்திரேலியப் பிரஜையான மீனா கிருஷ்ணமூர்த்தியின் சாட்சியங்களுடன் விசாரணைகளை சமஸ்டிப் பொலிஸார் முன்னெடுத்துவருவதாக அந்த ஊடகம் தெரிவிக்கின்றது.

இலங்கை ஜனாதிபதி மஹிந்தராஜபக்ச, போர்க்காலத்தில் வெளியுறவுச் செயலராக இருந்த பாலித கோகன தற்போதைய அவுஸ்திரேலியாவிற்கான தூதுவரும் போர்க்காலத்தில் இலங்கைக் கடற்படைத் தளபதியுமான திஸர சமரசிங்க ஆகியோருக்கு எதிராகவே இந்த விசாரணை இடம்பெற்றுவருவதாக அந்த ஊடகத்தில் மேலும் தெரிவிக்கப்பட்டுள்ளது.

இறுதி யுத்தத்தில் நடந்த சம்பவங்களில் நான் பொறுமை இழந்துள்ளேன்: மூன் (காணொளி)

2011-10-12T07:55:00.000+02:00

இலங்கை அரசின் நடவடிக்கையிலும் இலங்கையில் இறுதி யுத்தத்தில் நடந்த சம்பவங்களிலும் நான் பொறுமை இழந்துள்ளேன் என்று ஐக்கிய நாடுகள் சபையின் செயலாளர் நாயகம் பான் கீ மூன் தெரிவித்தார்.

நோர்வேயில் திங்கட்கிழமை ஆரம்பமான உலகில் அனைவருக்கும் 2030ஆம் ஆண்டுக்கிடையில் மின்சாரம் என்ற தொனிப்பொருளில் நடைபெற்ற கூட்டத்தொடரில் கலந்துகொள்வதற்காக வந்தபோது விசேடமாக தெரிவு செய்யப்பட்ட சர்வதேச பத்திரிகையாளர்களைச் சந்தித்துக் கலந்துரையாடினார்.

இந்த பத்திரிகையாளர் சந்திப்பில் போது இலங்கை தொடர்பாக நீண்ட நேரம் கருத்து தெரிவித்த ஐ.நா பொதுச் செயலாளர் மேலும் தெரிவிக்கையில்,

இலங்கை விடயத்தில் நான் ஒரு விசேட நிபுணர் குழுவை அமைத்திருந்தேன்.அது உங்களுக்கு நினைவிருக்கும்.

அவர்கள் அனைத்தையும் நன்கு கவனத்தில் எடுத்து பல பரிந்துரைகளை தெரிவித்திருந்தார்கள்.

எனது நிபுணர் குழுவின் அறிக்கையில் தெரிவிக்கப்பட்டுள்ள விடயங்கள் நிச்சயமாக இலங்கை மக்களால் அமுல்படுத்தப்பட்டிருக்க வேண்டும்.

நான், இலங்கை அரசாங்கம் எனது நிபுணர் குழு அறிக்கைக்கு சாதகமான பதிலை தரும் என்று நீண்ட நெடுங்காலம் காத்திருந்தேன். அதுபோல் அவர்கள் எனது நிபுணர் குழு அறிக்கையை அமுல்படுத்துவார்கள் என்வும் காத்திருந்தேன்.

சில வாரங்களுக்கு முதல் நான் எனது நிபுணர் குழு அறிக்கையை மனித உரிமை கவுன்சிலுக்கும் ஐ.நாவின் மனித உரிமை செயலாளர் நாயகத்திற்கும் பரிசீலினைக்கு உட்படுத்துமாறு அனுப்பி வைத்திருந்தேன்.

இலங்கை நாட்டின் ஜனாதிபதி மகிந்த ராஜபக்சவை 02 வாரங்களுக்கு முதல் ஐ.நா கூட்டத்தொடருக்கு அவர் வந்த போது, நான் சந்தித்து கலந்துரையாடி இருந்தேன்.

இவ்விடயங்கள் தொடர்பாகவும் அவருடன் கலந்துரையாடி இருந்தேன். அவர் எனக்கு, இலங்கை தமிழ் மக்களையும் அவர்களின் மனித உரிமைகளையும் பாதுகாப்பதாகவும் அதற்கு இலங்கைக்குள் அனைத்து நடவடிக்கையையும் எடுப்பதாகவும் தெரிவித்திருந்தார் என ஐ.நாவின் செயலாளர் நாயகம் பான் கீ மூன் மிகவும் விரக்தியுடன் தெரிவித்திருந்தார்.

Women jewel thieves jailed for daring raid on(London) Leicester shop

2011-09-28T22:12:00.002+02:00

Two women have been jailed for a cunning £54,000 jewellery theft in Leicester's Golden Mile.

மெல்லத் தமிழ் இனிச் சாகும் 01

2011-09-28T12:51:00.004+02:00

01

நான் முதலிலேயே சொல்லிவிடுகிறேன் இது ஒரு இனவாதப்பதிவல்ல. ஆனால் உலகத் தமிழினத்தில் இருப்பும் அடையாளமும் தொடர்பாக என்னுள் எழுந்த ஆதங்கத்தின் விளைவே இந்தப் பதிவாகும்.
'தமிழன் இல்லாத நாடுமில்லை தமிழனுக்கு என்றொரு நாடும் இல்லை.'
இதை நான் எனது தாத்தா காலத்தில் இருந்தே கேட்டுவருகிறேன். சில வேளை என்னுடைய தாத்தாவுக்கு தாத்தாவும் அதாவது எனது கொப்பாட்டன் முப்பாட்டனும் . கூட இதை சொல்லியிருக்கலாம்
ஆனால் இன்றைக்கும் இதை நாங்கள் சொல்லிக் கொண்டுதான் இருக்கிறோம்.சில வேளை என்னுடைய பேரப்பிள்ளைகளும் இதை சொல்லக் கூடும்.
ஏனென்றால் நிலமை அப்படித்தான் இருக்கிறது.
நாங்கள் யார்? அதாவது தமிழர்கள் என்றால் யார்? ஏங்களுடைய அடையாளம் என்ன? எங்களுடைய மெய்யியில் என்ன? எங்களுடைய வரலாறு என்ன?எங்களுடைய பண்பாடு என்ன? எங்களுடைய கலாச்சாரம் என்ன? எங்களுடைய அரசுகள் எங்களுக்கான தனித்துவமான அடையாளங்களைக் கொண்ட நவீனத்துவ அரசுகளாக வளரமுடியாமல் போனது ஏன்?தமிழ் சமூகத்தின் மூலதனத் திரட்சி அதை ஒரு அரசுடைய சமூகமாக வளர்த்தெடுப்பதற்கு தடையாக இருந்தது எது? அல்லது தமிழ் சமூகத்தில் மூலதனத் திரட்சி ஒன்று இருக்கவில்லையா?
இந்தக் கேள்விகளுக்கெல்லாம் பொதுவான விடையிருக்கிறதா? அப்படி இருந்தால் இந்தக் கேள்விகளுக்கான விடைகளைக் காணும்; விடயத்தில் நாங்கள் ஒன்று பட்டு நின்று ஒரு பொதுக் கருத்தை எட்டியிருக்கிறோமா?
உதாரணமாக நாங்கள் யார்? என்ற ஒரு பொதுவான கேள்வியை எழுப்பி அதற்கு 'நாங்கள் தமிழர்கள்' என்று விடை சொல்வதானால் இந்த ஒருமை விடைக்குள் நாங்கள் ஒன்றுபட்டு நிற்கிறோமா?. அதே போல தமிழர்கள் என்ற இந்த அடையாளம் உலகம் முழுதும் பரவி வாழும் தமிழ் இனத்தை ஒன்றுபடுத்தியிருக்கிறதா?
தமிழகத்தை எடுத்துக் கொண்டால் முதலியார் பிள்ளை கவுண்டர் தேவர் தலித் என்பவை தானே அங்குள்ள தமிழ் பேசும் மக்களுடைய முதன்மையான அடையாளமாக இருக்கிறது.
தமிழகத்திலே வாழக் கூடிய தமிழர்களுடைய வரலாறு மிகத் தொன்மையானது. ஆரியர்களுடைய இந்திய வருகைக்கு முற்பட்டது.இது எல்லோருக்கும் தெரியும். பல உள்நாட்டு வெளிநாட்டு வரலாற்று, ஆய்வாளர்கள் இது பற்றி விரிவாக ஆய்வு செய்து ஆதாரபூர்வமாக இதை நிறுவியிருக்கிறார்கள்.
ஆனால் வரலாற்றுப் புத்தகங்களில் ஆரியர்களின் இந்திய வருகைக்கு பின்னரான அவர்களது வரலாற்றின் நீட்சியாகத்தானே தமிழர்களுடைய வரலாறு எழுதப்பட்டுள்ளது.கிழக்கு ஐரோப்பா மற்றும் மத்திய ஆசியப் பிராந்தியங்களில் இருந்து தெற்கு நோக்கி நகர்ந்து இந்தியாவுக்கு வந்த ஆரியர்களே தமிழர்களுக்கு நாகரிகத்தை போதித்ததாக தானே வரலாறு எழுதப்பட்டிருக்கிறது
இன்றைய கேரளா என்பது பழைய சேரநாடு. தமிழ் பேசும் மக்கள் வாழ்ந்த வரலாற்றைக் கொண்ட பிரதேசம்.தமிழ் மொழியோடு சமஸ்கிரதம் கலந்து மலையாள மொழி உருவாகியது. தமிழர்களுடைய சேரநாடு மலையாள நாடாக மாறியது.இது தான் உண்மையான வரலாறு
ஆனால் மலையாள ஆளும் வர்க்கம் ; சமஸ்கிரதத்தோடு தமிழ் கலந்து தான் மலையாளம் உருவானதாக சொல்லிக் கொள்கிறதே தவிர மலையாள மொழி பேசுபர்களுடைய முன்னோர்கள் தமிழர்கள் என்பதை முதன்மைப்படுத்துவதில்லை.தமிழர்கள் என்றால் 'பாண்டி' என்று இழிசொற் குறியீட்டை பயன்படுத்தி அழைக்கும் வழக்கம் தானே அங்கு இன்றுவரை நிலவுகிறது.
'தமிழர்கள் கல்தோன்றி மண்தோன்றா காலத்தே வாளோடு முன் தோன்றிய மூத்த குடி' என்று மேடைகளிலே வீர வசனம் பேசுவதிலும் 'யாதும் ஊரே யாவரும் கேளிர்' என்று கவிதை பாடி மகிழ்வதிலும் தழிழை வைத்து அரசியல் நடத்துவதிலும் மகாநாடுகள் நடத்துவதிலும் காட்டிய அக்கறையில் நூற்றில் ஒரு பங்கு கூட தமிழ் மொழியினதும் தமிழ் சமூகத்தினதும் இருப்பை தொன்மையை வரலாற்றை திரிபுகளில் இருந்தும் ஆக்கிரமிப்புக்களில் இருந்தும் மீட்டு புதிய உலக ஒழுங்குக்கு தாக்குப்பிடிக்கக் கூடிய வகையில் அடுத்த கட்டத்தை நோக்கி நகர்த்துவதற்கு செலவிடப்படவில்லை.
பாப்புலிசம் எனப்படுகின்ற உணர்வுத் தூண்டல் அரசியலுக்குள் மக்களைக் கட்டுப்படுத்திவைத்து வாக்குச் சீட்டு அரசிலுக்காக இலவசங்களுக்காக கையேந்தி நிற்கும் நிலைக்கும் கட்சி சாதிச் சண்டைகளுக்காக வேல்கம்பு வீச்சருவாளோடு அலையும் நிலைக்கும் தானே மக்கள் பழக்கப்படுத்தப்பட்டிருக்கிறார்கள்;
ஈழத்து நிலை இதை விட மோசம். ஒரு காலத்தில் அங்கிருந்த தமிழர்களின் அடையாளம் யாழ்ப்பாணத்தான் வன்னியான் மட்டக்களப்பான் வடக்கத்தையான் என்று இருந்தது.அதை விட யாழ்ப்பாணத்தார்; என்றால் அதற்குள் வெள்ளாளர் கோவியர் கரையார் நளவர் பள்ளர் பறையர் அம்பட்டர் வண்ணார் என்று இருந்தது.
30 வருட தமிழ் தேசிய விடுதலைக்கான ஆயுதப் போராட்டம் அதை மாற்றி ஈழத்தழினத்தை ஒன்று பட்ட தமிழ் தேசிய அடையாளத்துக்குள் கொண்டு வர முயன்றது. ஆனால் அங்கேயும் கூட ஒரு பக்கம் வீரம் செறிந்த போராட்டம் என்றால் மறுபக்கம் வெட்கம் கெட்ட பிழைப்பு வாதம்.ஒரு பக்கம் எந்தவொரு அளவு கோலாலும் அளவிட முடியாத அர்ப்பணிப்பும் தியாகமும் என்றால் மறுபக்கம் கேவலமான காட்டிக் கொடுப்பும் அருவருக்கத்தக்க சந்தர்ப்பவாதமும்.
ஒரு கணனியும் அதில் தமிழ் ஆங்கில எழுத்துருக்களும் இருந்துவிட்டால் ஈழத்தில் புரட்சியை நடத்திவிடலாம் என்று பம்மாத்துவிட்ட கூட்டம் ஒரு பக்கம் என்றால் ஈழத் தமிழத்தை வேரறுப்பதை தனது மூலோபாயமாகக் கொண்டிருந்த சிங்களப் பேரினவாதத்தை விட விடுதலைப்புலிகளே தங்கள் பிரதான எதிரிகள் என்று சொல்லிக் கொண்டு ஈழத்தமிழர்களுடைய விடுதலைப் போராட்டத்தில் உள்ள நியாயத் தன்மைக்கு களங்கம் கற்பிக்கும் சிங்களப் பேரினவாதிகளின் முயற்சிகளுக்கு துணைபோன களவாணிக் கூட்டம் மறுபக்கம்.
சிறீலங்கா அரசின் தமிழினப்படுகொலைகளையும் தமிழின அழிப்பையும் எதிர்த்து ஒரு சிறு துரும்பைக் கூட அசைக்காமல் அரசியல் ரீதியான ஒரு சிறு எதிர்ப்பைக் கூடக்காட்டாமல் விடுதலைப்புலி எதிர்ப்பை மட்டுமே மூலதனமாகக் கொண்டு அந்நிய உளவு நிறுவனங்களின் தயவில் குப்பை கொட்டிவிட்டு முள்ளிவாய்க்காலின் பின்னரான இன்றைய காலகட்டத்தில் ஈழத்தமிழ் மக்களின் இரட்சகர்கள் தாங்களே என்று கொஞ்சங்கூட கூச்சமில்லாமல் களமிறங்கும் இரட்சகர்கள் கூட்டமும் ஒரு புறம் என்றால்
30 வருட வீரம் செறிந்த விடுதலைப் போராட்டம் எங்களால் எங்களால் மட்டும் தான் நடந்தது. நாங்கள் தான், நாங்கள் மட்டும் தான் விடுதலைப் போராட்டத்தின் தூண்கள் மற்றவர்கள் எல்லாம் தூசுகள் என்றும் புலத்தில் இருந்து கொண்டு நா கூசாமல் பொய் செல்லும் தேசிய வியாபாரிகள் (தாயக விடுதலையை உண்மையாக நேசித்து அதற்காக அர்ப்பணிப்புடன் பணியாற்றிய செயற்பாட்டாளர்களையோ பங்களிப்புச் செய்த மக்களையோ இந்தக் கூட்டத்துக்குள்; நான் அடக்கவில்லை) மறுபக்கம்.
போரிலே அனைத்தையும் இழந்தவன் துரோகி.போரை வைத்த பிழைப்பு நடத்தியவன் தியாகி.என்ன கொடுமை இது?
எப்படித் தமிழ் இனி வாழும்?
'நெஞ்சு பொறுக்குதில்லையே -இந்த
நிலைகெட்ட மனிதரை நினைக்கையிலே'
(தொடரும்)

போர்குற்ற வரலாற்றில் இராஜீவும் ராஜபக்சவும் - கருத்தரங்கம்

2011-09-27T18:37:00.003+02:00

விடுதலை ராஜேந்திரன் உரை

போர்குற்ற வரலாற்றில் இராஜீவும் ராஜபக்சவும் - கருத்தரங்கம்

2011-09-27T18:34:00.002+02:00

தோழர் தியாகு உரை

தியாக தீபம் நல்லூரில் அணைந்த நாள்

2011-09-26T10:39:00.001+02:00

1987ம் ஆண்டு செப்ரெம்பர் மாதம் 26ம் திகதி தமிழினத்தின் விடுதலைப் போராட்டத்தில் மகத்தான சரித்திரம் படைத்த நாள் தமிழ் மக்களின் நியாயமான நேர்மையான ஐந்து அம்சகோரிக்கைகளை முன்வைத்து 15.09.1987 தொடக்கம் சாகும்வரை உண்ணாவிரதம் மேற்கொண்டு வந்த விடுதலைப் புலிகளின் யாழ் பிராந்திய அரசியல்துறைப் பொறுப்பாளர் திலீபன் உண்ணா விரதப்போராட்டம் தொடங்கி பன்னிரண்டு நாளாக தொடர்ச்சியாக 265 மணித்தியாலங்களை முடித்துக்கொண்ட வேளையில் 1987ம் ஆண்டு செப்ரெம்பர் மாதம் 26ம் திகதி சனிக்கிழமை காலை 10.58 மணியளவில் தமிழீழ மண்ணிற்கு தன் உயிரை ஈர்ந்து தமிழ் மக்களை மீழாத் துயரில் ஆழ்த்தினான்.
உலகின் முதன்முதல் சாத்வீகப்போராட்டத்தில் உச்சக்கட்டமான நீராகாரம் கூட அருந்தாமல் சாகும்வரை உண்ணாவிரதத்தை மேற்கொண்டு உயிர் துறந்த திலீபன் வரலாற்றில் தனிஇடம் பெற்று விட்டான். உயிர் துறந்த பின்னும் கூட மக்களுக்கு பயன்பட எண்ணியதால் தான் இறந்ததும் தனது உடலை யாழ் மருத்துவ பீடத்திற்கு ஒப்படைக்க வேண்டும் என்ற அவனது இறுதி விருப்பத்தின் பேரில் வரலாற்று சிறப்பு மிக்க சுதுமலை அம்மன் கோவில் முன்னறிலில் திரண்டடிருந்த பல்லாயிரக் கணக்கான மக்கள் முன்னிலையில் செப்ரெம்பர் மாதம் 28ம் திகதி விடுதலைப்புலிகளினால் யாழ் பல்கலைக் கழக மருத்துவ பீட வைத்திய கலாநிதி சிவராஜாவிடம் திலீபனது உடல் உத்தியோக பூர்வமாக கையளிக்கப்பட்டது. தமது இறுதி அஞ்சலியை செலுத்தக் கூடியிருந்த மக்களில் பலர் துன்பம் தாழாது மயங்கி விழுந்தனர் சோக ஒலி தமிழீழம் எங்கும் எதிரொலித்தது

இன்றைய முக்கிய செய்திகள்

2011-09-25T07:12:00.001+02:00

அமெரிக்காவில் தங்கியுள்ள சிறிலங்காவின் அரசுத்தலைவர் மகிந்த ராஜபக்சவுக்கு நியுயோர்க் மாவட்ட நீதிமன்றம் அழைப்பாணை அனுப்பியுள்ளது.
நியுயோர்க் தெற்கு மாவட்ட நீதிமன்றத்தில் கேணல் ரமேசின் மனைவி தாக்கல் செய்த 'தேவி எதிர் ராஜபக்ச' வழக்கிலேயே சிறிலங்கா அரசுத்தலைவருக்கு அழைப்பாணை அனுப்பப்பட்டுள்ளதாக ஈ ஐ என் செய்திசேவை தெரிவித்துள்ளது
இந்த வழக்கை சிறிலங்கா படைகளிடம் சரணடைந்த பின்னர் படுகொலை செய்யப்பட்ட கேணல் ரமேசின் மனைவி வத்சலாதேவியின் சார்பில் சட்டவாளரும் நாடுகடந்த தமிழீழ அரசாங்கத்தின் தலைமை அமைச்சருமான வி.ருத்ரகுமாரன் கடந்த 22ம் திகதி தாக்கல் செய்திருந்தார்.
கேணல் ரமேசின் படுகொலை மற்றும் போரின் போது இடம்பெற்ற போர்க்குற்றங்கள், மனிதகுலத்துக்கு எதிரான குற்றங்களுக்கு அடிப்படைக் காரணமாக இருந்தவர் என்ற அடிப்படையிலேயே சிறிலங்கா அரசுத்தலைவர் மகிந்த ராஜபக்ச மீது இந்த வழக்குத் தாக்கல் செய்யப்பட்டுள்ளது.
ஐநா பொதுச்சபையில் உரையாற்றுவதற்காக அமெரிக்கா சென்றுள்ள சிறிலங்காவின் அரசுத்தலைவர் மகிந்த ராஜபக்ஷ இந்த அழைப்பாணையை அடுத்து அவசரமாக நாடு திரும்ப முயல்வதாக செய்திகள் வெளியாகியுள்ளன
0000
இதேவெளை அமெரிக்க நீதிமன்றத்தில் தனக்கு எதிராகத் தொடுக்கப்பட்டுள்ள வழக்கை எதிர்கொள்ளத் தயாராக இருப்பதாக ஐ.நாவுக்கான சிறிலங்காவின் பிரதி நிரந்தர வதிவிடப் பிரதிநிதி மேஜர் ஜெனரல் சவீந்திர சில்வா தெரிவித்துள்ளார்.
போர்க்குற்றங்கள் தொடர்பாக சுமத்தப்பட்டுள்ள குற்றச்சாட்டுகள் தொடர்பாக நீதிமன்றத்தில் முன்னிலையாகி பதிலளிக்குமாறு மேஜர் ஜெனரல் சவீந்திர சில்வாவுக்கு நியுயோர்க்கின் தெற்கு மாவட்டத்தில் உள்ள மன்ஹாட்டன் நீதிமன்றம் அழைப்பாணை அனுப்பியுள்ளது.
கடந்த வெள்ளிக்கிழமை அழைப்பாணை அவரது தனிப்பட்ட வதிவிடத்துக்கு அனுப்பி வைக்கப்பட்டது. அப்போது அவர் அங்கிருக்கவில்லை.
வீட்டில் இருந்த ஒருவரே அந்த அழைப்பாணையை பெற்றுக் கொண்டுள்ளார்.
அழைப்பாணை அனுப்பிய அமெரிக்க நீதிமன்றத்துக்கு மேஜர் ஜெனரல் சவீந்திர சில்வா 21 நாட்களுக்குள் பதிலளிப்பார் என்று எதிர்பார்க்கப்படுவதாக கொழும்பு ஊடகம் ஒன்று தகவல் வெளியிட்டுள்ளது.
இதேவேளை , தன் மீதோ தனது கட்டளையின் கீழ் இருந்தவர்கள் மீதோ சுமத்தப்படும் குற்றச்சாட்டுகள் தொடர்பாக உலகின் எந்த நீதிமன்றத்திலும் வழக்கை எதிர்கொள்ளத் தயாராக இருப்பதாக மேஜர் ஜெனரல் சவீந்திர சில்வா கூறியுள்ளார்.
மேஜர் ஜெனரல் சவீந்திர சில்வா இது தொடர்பாக நியுயோர்க்கில் தங்கியுள்ள சிறிலங்காவின் அரசுத்தலைவர் மகிந்த ராஜபக்சவை நேரடியாக சந்தித்து ஆலோசனை நடத்தியுள்ளார்.
000
அமெரிக்காவில் சிறீலங்காவின் அரசுத்தலைவர் மகிந்த ராஜபக்சவுக்கும் ஐ.நாவுக்கான சிறிலங்காவின் பிரதி நிரந்தர வதிவிடப் பிரதிநிதி மேஜர் ஜெனரல் சவீந்திர சில்வாவுக்கும் எதிராக தொடக்கப்பட்டுள்ள வழக்குகளை எதிர் கொள்ள தயாராக இருப்பதாக சிறிலங்கா பாதுகாப்புச் செயலர் கோத்தாபய ராஜபக்ச தெரிவித்துள்ளார்
இந்த வழக்குகள், விடுதலைப் புலிகளின் கொடூரச் செயல்கள் குறித்து அமெரிக்க நீதிமன்றத்தில் விபரிக்க நல்லதொரு வாய்ப்பை ஏற்படுத்திக் கொடுத்துள்ளதாக அவர் கூறியுள்ளார்.
கேணல் ரமேஸ் ஒரு மோசமான பயங்கரவாதி என்றும், அவர் சரணடைந்த நூற்றுக்கணக்காக காவல்துறையினரையும், அரந்தலாவவில் பௌத்த பிக்குகளையும், முஸ்லிம் கிராமவாசிகளையும் படுகொலை செய்தவர் என்றும் குற்றம்சாட்டியுள்ள கோத்தாபய ராஜபக்ச, அவரது மனைவியும் இந்தக் கொடூரச் செயல்களில் தொடர்புபட்டிருந்தவர் என்றும் கூறியுள்ளார்.
000
பயங்கரவாதத் தடைச்சட்டத்துக்குப் பதிலாக அமெரிக்காவில் உள்ளது போன்று உள்நாட்டுப் பாதுகாப்புச் சட்டம் என்ற புதிய சட்டம் ஒன்றைக் கொண்டு வர சிறிலங்கா அரசாங்கம் திட்டமிட்டுள்ளதாக லக்பிம நியூஸ் தகவல் வெளியிட்டுள்ளது.
ஐ.நா மனிதஉரிமைகள் பேரவையின் அடுத்த கூட்டத்தொடர் 2012 மார்ச்சில் ஆரம்பமாவதற்கு முன்னர் இந்தப் புதிய சட்டத்தை கொண்டு வரத் திட்டமிடப்பட்டுள்ளதாகவும் அந்தச் செய்தியில் கூறப்பட்டுள்ளது.
பயங்கரவாதத் தடைச்சட்டம் நடைமுறையில் இருப்பதால் தான், மனிதஉரிமை மீறல்கள் இடம்பெறுவதாக அனைத்துலக சமூகம் கொழும்பு மீது கொடுத்து வரும் அழுத்தங்களைக் கொடுத.தவருவதாகவம் இதை குறைப்பதற்காகவே சிறிலங்கா அரசாங்கம் இந்த நடவடிக்கையில் இறங்கியுள்ளதாகவும் கூறப்படுகிறது.
பயங்கரவாதத் தடைச்சட்டத்துக்குப் பதிலாக அமெரிக்கா, பிரித்தானியா, அவுஸ்ரேலியா போன்ற நாடுகளில் உள்ளது போன்று தீவிரவாதத்தை முறியடிப்பதற்கான புதிய சட்டம் ஒன்றை கொண்டு வருவதில் சிறிலங்கா அரசாங்கம் அக்கறை காண்பிப்பதாக சிறிலங்காவின் சட்டமா அதிபர் ஈவா வணசுந்தர உறுதிப்படுத்தியுள்ளார்.
0000
யாழ். பல்கலைக்கழக வரவாற்றுத்துறையினரின் ஏற்பாட்டில் யாழ்ப்பாண வாழ்வியல், எனும் தலைப்பிலான பொருட்காட்சியொன்றை நேற்று ஆரம்பமானது. சிறீலங்கா தொல்பொருளியல் திணைக்களத்தின் பணிப்பாளர் நாயகம் கலாநிதி செனரத் திசாநாயக்க நாடாவெட்டி நிகழ்வினை ஆரம்பித்து வைத்தார்.
இந்த நிகழ்வில் யாழ்.பல்கலைக்கழக துணைவேந்தர் போராசிரியர் வசந்தி அரசரெட்ணம், யாழ் பல்கலைக்கழக வரலாற்றத்துறைப் பேராசிரியர் புஸ்பரெட்ணம், உட்பட பல பிரதிநிதிகள் கலந்து கொண்டனர்
0000
தமிழகத்தில் நடக்கவுள்ள உள்ளாட்சித் தேர்தலில், முதன்முறையாக அனைத்து முக்கியக் கட்சிகளும் தனித் தனியே தேர்தலை சந்திக்கவுள்ளன. திமுகவும் அதிமுகவுக்கும் மாறி மாறி காங்கிரஸ் கட்சியுடனும் பாமகவுடனும் கூட்டணி வைப்பது வழக்கமாகும்
ஆனால், இந்த முறை திமுக. காங்கிரசை கை விட்டுவிட்டது. வழக்கமாக திமுகவால் கைவிடப்படுவோர் அதிமுகவால் கைதூக்கி விடப்படுவதும், அதிமுகவால் கைவிடப்பட்டோர் திமுகவிடம் சரணடைவதும் வழக்கம்.இந்த முறை அது நடக்கவில்லை.
திமுக, அதிமுக, காங்கிரஸ், தேமுதிக, மதிமுக, பாமக, விடுதலைச் சிறுத்தைகள் ஆகியவை இந்தத் தேர்தலில் தனித் தனியே களம் காண்கின்றன.
இதன்மூலம் தமிழகத்தில் நீண்ட இடைவெளிக்குப் பின், கூட்டணி இல்லாத ஒரு தேர்தலாக உள்ளாட்சித் தேர்தல் நடக்கிறது.
00000
தமிழக உள்ளாட்சித் தேர்தலில் போட்டியிடும் காங்கிரஸ் வேட்பாளர்களைத் தேர்வு செய்யவும், தேர்தல் முடிவுகளை எடுக்கவும் 13 பேர் கொண்ட குழுவை காங்கிரஸ் தலைமை அமைத்துள்ளது. இந்தக் குழுவின் ஒருங்கிணைப்பாளராக தங்கபாலு செயல்படுவார் எனத் தெரிவிக்கப்பட்டுள்ளது.
தமிழக காங்கிரஸ் கட்சி இதுதொடர்பாக ஒரு பட்டியலை சோனியா காந்திக்கு அனுப்பியிருந்தது. தமிழக காங்கிரஸ் கட்சியின் பல்வேறு கோஷ்டிகளின் தலைவர்கள் பெயர்கள் அதில் இடம் பெற்றிருந்தது. அதைப் பரிசீலித்த சோனியா தற்போது இந்தப் பட்டியலுக்கு ஒப்புதல் அளித்துள்ளதாக கட்சியின் பொதுச் செயலாளர் ஜனார்த்தன் திவிவேதி தெரிவித்துள்ளார்.
0000
இந்தியாவின் ஒரிசா மாநிலத்தின் ஆளும் பிஜூ ஜனதா தள கட்சியை சேர்ந்த சட்டமன்ற உறுப்பினர் ஜக்பந்து மஜி என்பவர் பொதுக்கூட்டம் ஒன்றில் வைத்து நேற்று மர்ம நபர்களால் சுட்டுப்கொல்லப்பட்டுள்ளார்.
இச்சம்பவத்திற்கும் மாவோயிஸ்டுக்களுக்கும் தொடர்பிருப்பதாக அரசு தரப்பு தகவல்கள் தெரிவிக்கின்றன. உமர்கோட் என்ற தொகுதிக்காக ஒரிசா சட்டமன்றத்திற்கு தேர்ந்தெடுக்கப்பட்ட ஜக்பந்து மஜி, ராஜ்கார் அருகே உள்ள பொதுக்கூட்டம் ஒன்றில் கலந்து கொள்ள சென்ற போதே படுகொலை செய்யப்பட்டுள்ளார். அவருடைய மெய்பாதுகாவலர் உட்பட மேலும் இருவரும் இச்சம்பவத்தின் போது சுட்டுக் கொல்லப்பட்டுள்ளனர்.
உந்துறுளியில் துப்பாக்கியுடன் வந்த மர்ம நபர்கள் முதலில் மெய்பாதுகாவலரையும், அடுத்து சட்டமன்ற உறுப்பினரையும் சுட்டுக்கொன்றுள்ளனர்.
0000

நேபாளத்தில் 16 பயணிகளுடன் சென்ற விமானம் திடீரென காணாமல் போயுள்ளது. நேபாளத்தின் புத்தா விமான போக்குவரத்து நிறுவனத்திற்கு சொந்தமான இந்த விமானம் 3 விமானிகளுடனும் 16 பயணிகளுடனும் ; நடுவானில் பறந்து கொண்டிருந்த சிறிது நேரத்தில் விமானக்கட்டுப்பாட்டு ரேடார் திரையிலிருந்து திடீரென மறைந்தது விட்டது

இந்த விமானம் எவரெஸ்ட் மலை சிகரப் பகுதியில் விபத்துக்குள்ளாகியிருக்கலாம் என அஞ்சப்படுகிறது

0000

உலகை அச்சுறுத்திக் கொண்டிருந்த அமெரிக்காவின் யு.ஏ.ஆர். எஸ். சேயற்கை கோளின் சிதலமடைந்த பாகங்கள் நேற்று கனாடாவில் உள்ள ஓகோமா பகுதியில் விழுந்தது.

அமெரிக்காவின் 'நாசா' விண்வெளி ஆராய்ச்சி மையம், 1991ம் ஆண்டு உயர் வளிமண்டல ஆராய்ச்சிக்காக அனுப்பிய இந்த செற்கை;க கோள் 2005ம் ஆண்டு செயலிழந்தது. ஒரு பேருந்து அளவுள்ள 5670 கிலேர் எடை கொண்ட இந்த செயற்கைக்கோள் நேற்று, பூமியின் வளிமண்டலத்தில் நுழைந்து போது அதன் பெரும்பகுதி எரிந்துவிட்ட நிலையில் அதன் துகள்கள் கனடாவில் உள்ள ஒகாமாவில் வீழ்ந்ததாக தகவல்கள் வெளியாகியுள்ளது. இதனால் ஏற்பட்ட பாதிப்பு குறித்த செய்திகள் எதுவும் வெளியாகவில்லை

0000

சோமாலியா தலைநகர் மொகாடிசுவில் ஐக்கிய நாடுகள் சபைக்கு சொந்தமான அலுவலகத்தின் அருகே குண்டுவெடித்ததில் நிகழ்ந்துள்ளது. ஒருவர் பலியானதுடன் பலர் படுகாயமடைந்தனர் நியூயார்க் நகரில், ஐ.நா., சபை பொதுக்குழு கூட்டம் நடைபெற்று வரும் வேளையில், சோமாலியாவில் ஐ.நா., வளாகத்தில் குண்டுவெடிப்பு நிகழ்ந்திருப்பது சர்வதேச அளவில் முக்கியத்துவம் பெற்றுள்ளது

000

இந்தோனேஷியாவின் கிழக்கு ஜாவா மாகாணத்தில், படகு ஒன்று எதிர்பாராதவிதமாக கவிழுந்ததில் 13 பேர் பலியாயினர். 9 பேர் காணவில்லை. மீட்பு பணிகள் தீவிரமாக நடைபெற்று வருகின்றன. கடலில் ஏற்பட்ட அலைகளின் காரணமாகவே , படகு கவிழ்ந்ததாக உயிர் பிழைத்த ஒருவர் தெரிவித்தார்

Lawsuit filed against Sri Lankan Army General Responsible for Executions, Torture & Attacking Civilians; Currently Living in NYC

2011-09-24T06:39:00.000+02:00

NEW YORK, N.Y., SEPT. 23, 2011 – This morning, American University Washington College of Law’s UNROW Human Rights Impact Litigation Clinic filed a lawsuit in the Southern District of New York (SDNY) against Sri Lankan General Shavendra Silva, who currently resides in New York City. General Silva was the commander of the 58th Division of the Sri Lankan Army during its brutal counter-insurgency campaign that costs the lives of up to 40,000 civilians in spring 2009. General Silva currently resides in New York City, and is Sri Lanka’s Acting Permanent Representative to the United Nations.

As the United Nations General Assembly is ongoing, this lawsuit shines a spotlight on a war criminal in its midst.

As commander of the 58th Division, General Silva was responsible for conducting Sri Lanka’s bitter and brutal war against Tamils in northern Sri Lanka, and directly caused the untold suffering of thousands of Tamil civilians. Under the auspices of “fighting terrorism”, General Silva led the Army’s campaign of war crimes and crimes against humanity across northern Sri Lanka. In particular, protected persons – civilians – and protected places – hospitals – were deliberately attacked by General Silva and his forces, which violates

Sri Lankan law, American law and international law. General Silva is also responsible for the torture and extrajudicial executions of surrendering members of the Liberation Tigers of Tamil Eelam (LTTE), in clear contravention of the laws of war.

“These egregious violations of international and domestic law have gone unanswered for over two years now, as survivors continue to suffer in suffocating silence on the island. Finally, after years of waiting for someone to answer for the loss of loved ones, the voices of Tamil victims and survivors have been granted their day in court. Today, U.S. courts provide a forum for justice and accountability, where there would otherwise be continued impunity for Sri Lanka’s crimes against Tamils,” said Ali Beydoun, lead counsel on this case, director at American University Washington College of Law’s UNROW Human Rights Impact Litigation Clinic, and a Senior Partner at SPEAK Human Rights Initiative.

Up to 40,000 Tamil civilians were killed in the final months of Sri Lanka’s military onslaught against Tamil regions in 2009, according to a report from a United Nations Panel of Experts. However, over two years later, there have been no investigations or prosecutions of those responsible for war crimes and crimes against humanity. “This lawsuit is one small yet substantial step towards accountability for Sri Lanka’s bloodbath on the beach. We will continue pursuing these cases until justice is served,” Beydoun said.

This lawsuit seeks damages for violations of international, Sri Lankan and domestic law under the Alien Tort Claims Act (ATCA) and Torture Victim Protection Act (TVPA). These statutes grant jurisdiction to U.S. courts over human rights violations committed abroad, and serve to ensure that the U.S. does not become a safe haven for war criminals.

The day will not be getting any easier for Sri Lanka’s President Mahinda Rajapaksa, as massive protests greet his arrival in New York for the 66th U.N. General Assembly. This day marks a uniquely perfect storm for justice, as demands for accountability begin to echo throughout New York and the world.

WASHINGTON COLLEGE OF LAW

4801 MASSACHUSETTS AVENUE, NW WASHINGTON, DC 20016-8181 202-274-4088 FAX: 202-895-4520

ராஜபக்சவைக் கைதுசெய்து விசாரித்து தண்டனை வழங்கக் கோரி நியூயார்க் தெற்கு மாவட்ட நீதிமன்றத்தில் கேணல் ரமேஷின் மனைவி வழக்கு

2011-09-23T10:05:00.000+02:00

தனது கணவரைக் கொன்ற ராஜபக்சவைக் கைதுசெய்து விசாரித்து தண்டனை வழங்கக் கோரி நியூயார்க் தெற்கு மாவட்ட நீதிமன்றத்தில் விடுதலைப் புலிகள் இயக்கத்தின் கிழக்கு மாகாணத் தளபதியான கேணல் ரமேஷின் மனைவி வழக்குத் தொடர்ந்துள்ளார்.அவரது சார்பில் நாடுகடந்த தமிழீழ அரசாங்கத்தின் தலைமை அமைச்சர் விஸ்வநாதன் ருத்திரகுமாரன் இந்த வழக்கைப் பதிவு செய்தார்.

ஐ.நா. பொதுச் சபைக் கூட்டத்தில் பங்கேற்பதற்காக நியூயார்க் வந்து தங்கியுள்ள ராஜபக்ச இந்த வழக்கைத் தொடர்ந்து அதிர்ச்சி அடைந்துள்ளார். சிறீலங்கா தரப்பும் இந்த திடீர் வழக்கால் பீதியடைந்துள்ளது.

ரமேஷின் மனைவி அளித்துள்ள வழக்கில் இங்கிலாந்தின் சனல் 4 தொலைக்காட்சிப் படத்தில் ரமேஷ் சிறீலங்கா படையினரால் அடையாளம் தெரியாத இடம் ஒன்றில் வைத்து விசாரணை செய்யப்படும் காட்சி அவர் கொல்லப்பட்டதன் பின்னர் மற்றும் ஒரு தொலைக்காட்சியில் காட்டப்பட்ட அவரது உடலை மனைவி அடையாளம் காட்டியமை ஆகியவை சாட்சியங்களாக் தெரிவிக்கப்பட்டுள்ளன.

சிறீலங்காவின் முப்படைகளுக்கும் தளபதி என்ற அடிப்படையில் அந்த நாட்டின் அதிபரான ராஜபக்சவே ரமேஷின் கொலைக்கு பொறுப்பேற்க வேண்டும் என்றும் அவரே போர்க்குற்றத்துக்கு பொறுப்புக்கூற வேண்டும் என்றும் மனுவில் கோரப்பட்டுள்ளது.

ஐக்கிய நாடுகள் சபையின் பொதுச் செயலாளர் பான் கீ மூன் நியமித்த நிபுணர் குழு இலங்கையில் போர்க்குற்றம் இடம்பெற்றதாக வெளியிட்ட அறிக்கை. அதில் 40 ஆயிரம் பொதுமக்கள் வரை கொல்லப்பட்டதாக தெரிவிக்கப்பட்டுள்ள தகவல் தாக்கப்பட்ட மற்றும் பாலியல் வல்லுறவுக்கு உட்படுத்தப்பட்ட கணக்கு காட்டப்பட்டாத இன்னும் 140 ஆயிரம் பொதுமக்களின் உயிரிழப்பு என்பன கூடுதல் சாட்சியங்களாக இணைக்கப்பட்டுள்ளன.

Col Ramesh's wife files a case in US against Sri Lanka President for Killing her husband: TGTE

2011-09-23T09:36:00.001+02:00

Col Ramesh's wife, Mrs. Vathsala Devi, has filed a case in the United States, against the visiting Sri Lanka President Mahinda Rajapakse for killing her husband.

This case was filed in the Southern District of New York, under Alien Tort Statutes, on behalf of Col Ramesh's wife, by Attorney- at- Law Visuvanathan Rudrakumaran. The docket number of this case is: 11 CIV 6634.

Col Ramesh was shown on a documentary by UK's Channel 4 "Sri Lanka's Killing Fields", being interrogated by Sri Lankan soldiers in an undisclosed location. His body was also shown in different TV and was confirmed by his wife as her husband's body.

President Rajapakse in his capacity as the Commander in Chief of the Sri Lankan Armed Forces, bears primary responsibility for the killing of Col Ramesh and for perpetration of War Crimes, Crimes Against Humanity and Genocide of Tamil people.

According to the recent report by the UN Panel on Sri Lanka, Sri Lankan Security forces under the command of President Rajapakse, have committed War Crimes and Crimes Against Humanity of Tamils. There are elements in this report that also constitute an act of Genocide.

According to this UN Panel Report around 40,000 Tamil people were killed, women were sexual assaulted and raped and around 140,000 people are unaccounted for.

Last week UN Secretary General Ban Ki-Moon referred this UN Panel Report to the UN Human Rights Council and to the UN High Commissioner for Human Rights to take action.

For information contact: Deluxon Morris (UK): Tel: +(44) 794-002-0758 or Email: warcrime@tgte.org

பூமியைத் தாக்குமா செயற்கைகோள்: நாளை என்ன நடக்கும்

2011-09-21T22:33:00.002+02:00

இருபது ஆண்டுகளுக்கு முன் "நாசா' அனுப்பிய செயற்கைக்கோள், நாளை பூமியைத் தாக்கலாம் என விஞ்ஞானிகள் எச்சரித்துள்ளனர்.

அமெரிக்காவின் "நாசா' விண்வெளி ஆராய்ச்சி மையம், 1991ம் ஆண்டு 3,525 கோடி ரூபாய் செலவில், உயர் வளிமண்டல ஆராய்ச்சி செயற்கைக்கோளை (யு.ஏ.ஆர்.எஸ்.,) ஏவியது. இது பூமியின் வளிமண்டலம் குறித்த தகவல்களை திரட்டித் தந்து கொண்டிருந்தது. 14 ஆண்டுகள் தகவல்களை அனுப்பிய யு.ஏ.ஆர்.எஸ்., 2005ம் ஆண்டு செயலிழந்தது. ஒரு பஸ் அளவுள்ள இந்த செயற்கைக்கோளின் எடை 5670 கிலோ. விண்வெளியில் சுற்றி வந்த இந்த செயற்கைக்கோள் தற்போது பூமியின் வளிமண்டலத்தில் நுழையவுள்ளது. அப்போது அது 1,006 துண்டுகளாக வெடித்துச் சிதறும். இதில் பெரும்பகுதி வளி மண்டலத்தில் நுழையும்போது எரிந்து சாம்பலாகிவிடும். இருப்பினும் 26 துண்டுகள் பூமியைத் தாக்கும் அபாயம் உள்ளது. வெடித்து சிதறும் பாகங்கள் 150 கிலோ வரை எடை கொண்டவையாக இருக்கலாம் என எதிர்பார்க்கப்படுகிறது. இது எப்போது விண்வெளியிலிருந்து கிளம்பும் என சரியாக ஆராய்ச்சியாளர்களால் கணிக்க முடியவில்லை. நாளை அல்லது நாளை மறுநாள் பூமியில் விழும் என தெரிவிக்கின்றனர்.

செயல் இழந்த பல செயற்கைக்கோள்கள் விண்வெளியில் சுற்றி வருகின்றன. இவை பூமியில் விழுந்து பாதிப்பை ஏற்படுத்துவதில்லை. மீறி வளிமண்டலத்தில் நுழையும் செயற்கைக்கோள்கள் எரிந்து சாம்பலாகிவிடுகின்றன. அதையும் மீறி பூமிக்கு வரும் செயற்கைக்கோள்களை கடலுக்குள் விழச் செய்வது வழக்கம். ஆனால் யு.ஏ.ஆர்.எஸ்., செயற்கைக்கோளில் எரிபொருள் இல்லை. இதனால் இதன்செயல்பாட்டைகட்டுப்படுத்த முடியாது என தெரிவிக்கின்றனர். யு.ஏ.ஆர்.எஸ்., செயற்கைக்கோளின் உடைந்த பாகங்கள் கடலில் விழ வாய்ப்புகள் அதிகம். இல்லையென்றால் வடக்கு கனடாவில் அல்லது தென் அமெரிக்காவின் தென்பகுதியிலும் விழ வாய்ப்புள்ளது. இதில் 3200ல் ஒரு பங்கு, மனிதர்கள் மீது விழும் அபாயமும் இருக்கிறது. இது விழும்போது 750 கி.மீ., சுற்றளவு வரை இதன் பாகங்கள் பூமியில் பரவும்.

சிறீலங்காவின் ஆட்சித்தலைவர் அமெரிக்காவுக்கு வருகை தருவதைத் தடுக்குமாறு நாடுகடந்த தமிழீழ அரசாங்கம் அமெரிக்க அரசிடம் வற்புறுத்தல்

2011-09-16T23:14:00.003+02:00

சித்திரவதை, போர்க்குற்றங்கள், மானிடத்துக்கு எதிரான குற்றங்கள் மற்றும் தமிழ் இனப்படுகொலை புரிந்த சிறீலங்காவின் ஆட்சித்தலைவர் மகிந்தா ராசபக்சே ஐக்கிய அமெரிக்காவுக்கு வருவதை அனுமதிக்கக் கூடாது என நாடுகடந்த தமிழீழ அரசாங்கம் ஐக்கிய அமெரிக்க அரசுக்கு வேண்டுகோள் விடுத்துள்ளது. ஐக்கிய அமெரிக்க குடிவரவு மற்றும் தேசிய சட்டம் பிரிவு 212(ஏ)(3)(இ)(iii)(§ 212(a)(3)(E)(ii) of the INA) "தனியொரு மனிதர் ஐக்கிய அமெரிக்காவுக்கு வெளியில் மனிதப்படுகொலைக்குக் கட்டளையிட்டார், தூண்டினார், துணைபோனார் அல்லது வேறுவிதத்தில் ஈடுபட்டார் எனில் அவர் ஐக்கிய அமெரிக்காவுக்குள் நுழையத் தகுதியற்றவர்" எனக் கூறுகிறது. மேலும் ஐக்கிய அமெரிக்க குடிவரவு மற்றும் தேசிய சட்டம் பிரிவு 212(ஏ)(3)(இ)(iii) (§ 212(a)(3)(E)(iii) of the INA) "தனியொரு மனிதர் ஐக்கிய அமெரிக்காவுக்கு வெளியில் மனிதப்படுகொலைக்குக் கட்டளையிட்டார், தூண்டினார், துணைபோனார் அல்லது வேறுவிதத்தில் சித்திரவதையில் ஈடுபட்டார் எனில் அவர் ஐக்கிய அமெரிக்காவுக்குள் நுழையத் தகுதியற்றவர்" எனக் கூறுகிறது.

நாடு கடந்த தமிழீழ அரசாங்கத்தின் வேண்டுகோள் 1987 இல் இடம்பெற்ற ஒரு சம்பவத்தை மேற்கோள் காட்டுகிறது. நாசிகளால் மேற்கொள்ளப்பட்ட அடக்குமுறையில் பங்கேற்றார் என்ற குற்றச்சாட்டின் அடிப்படையில் கேட் வல்தெய்ம் (Kurt Waldheim ) ஐ. நா. நாடுகளின் அமர்வில் கலந்துகொள்ள வந்த போது அவருக்கு அனுமதி மறுக்கப்பட்டது. வல்தெய்ம் 1986 இல் அவுஸ்திரிய நாட்டின் ஆட்சித் தலைவராக தெரிவு செய்யப்பட்டார். அவர் தன்மீதான குற்றச்சாட்டை உறுதியுடன் மறுத்தார்.

இந்த வேண்டுகோள் நா.க.த.அ இன் இனப்படுகொலையை விசாரிக்கும் அமைச்சுக்குப் பொறுப்பான அமைச்சரினால் ஐக்கிய அமெரிக்காவின் தாயக பாதுகாப்புச் செயலர் யெனெட் நாபொலிதானோ (Janet Napolitano) க்கு அனுப்பிவைக்கப்பட்டுள்ள கடிதத்தில் விடப்பட்டுள்ளது.

இந்தக் கடிதம் ஆட்சித்தலைவர் மகிந்த ராசபக்சேயின் கட்டளையின் கீழ் இருக்கும் சிறீலங்கா பாதுகாப்புப் படையினர் இழைத்த முறைகேடுகளை ஆவணப்படுத்திய ஐக்கிய நாடுகளின் வல்லுநர் குழுவின் அறிக்கையில் காணப் பட்ட விபரங்களை கோடிட்டுக் காட்டியது. ஐ. நா. வின் அறிக்கை ஏறத்தாழ 40,000 மக்கள் கொல்லப்பட்டதாகவும் பெண்கள் பாலியல் வன்முறைக்கு உட்படுத்தப்பட்டதாகவும் 140,000 கும் மேற்பட்டோர் கணக்கில் காட்டப்படவில்லை எனக் குற்றம் சாட்டியுள்ளது. ஐ. நா. அறிக்கை இந்த முறைகேடுகள் போர்க்குற்றங்கள்,மானிடத்துக்கு எதிரான குற்றங்கள் மற்றும் இனப்படுகொலை குற்றங்களை நிறுவுகிறது என குற்றம்சாட்டியுள்ளது.

இந்தக் கடிதம் இராசதந்திர விலக்களிப்பு என்பது போர்க் குற்றவாளிகள் மற்றும் இனப்படுகொலை மற்றும் மானிடத்துக்கு எதிரான குற்றங்களை இழைத்தவர்களுக்குப் பொருந்தாது என வாதிடுகிறது. தற்போது பதவியில் இருக்கும் சூடான் நாட்டு ஆட்சித்தலைவருக்கு எதிராக அனைத்துலக குற்றவியல் நீதிமன்றம் பிடியாணை விடுத்துள்ளதை எடுத்துக்காட்டாகக் குறிப்பிடுகிறது. இராசதந்திர விலக்களிப்பு இனப்படுகொலை இழைத்தவர்களுக்குப் பொருந்தாது என்பதை இத்தாலிய நீதிமன்றம் Ferrini v. Federal Republic of Germany,11-03-2004 - Corte di Cassazione: Sentenza No. 5044 என்ற வழக்கில் தீர்ப்பளித்துள்ளது.

சிறீலங்கா தீவில் நீதியும் பொறுப்பும் தோன்றவேண்டும் என ஐக்கிய அமெரிக்கா எடுக்கும் முயற்சிகள் ஐக்கிய அமெரிக்காவுக்கு வருவது, குறிப்பாக . ஐ. நா. வல்லுநர் குழு அறிக்கை வெளியிடப்பட்டுள்ள வேளையில் வருவது, அந்த முயற்சிகளுக்கு ஊறுவிழைவிப்பதாக இருக்கும் என அக் கடிதம் கூறுகிறது.

குரலற்றவர்களின் குரலாக இருப்போம்

2011-09-15T16:19:00.000+02:00

அன்புள்ள நண்பர்களுக்கு அல்லது தோழர்களுக்கு,
பரமக்குடி சம்பவத்தை முன்வைத்து ஊடக ஜனநாயகம் பற்றி ஒரு விவாதத்தை நீங்கள் ஆரம்பித்திருப்பது மகிழ்ச்சியை தருகிறது.
'பரமக்குடி சம்பவத்தை தமிழ் ஊடகங்கள் இருட்டடிப்புச் செய்துவிட்டன.அல்லது திசை திருப்பி செய்தி வெளியிட்டுவிட்டன.ஆளும் வர்க்கத்தின் குரலையே இந்த ஊடகங்கள் எப்போதும் பிரதிபலிக்கின்றன.பார்ப்பணிய ஆதிக்கம் என்று காலகாலமாக குற்றம் சாட்டப்பட்டு வந்த தமிழ் ஊடகப்பரப்பில் இன்று அவர்கள் ஓரங்கட்டப் பட்டு தமிழ் தேசிய முதலாளிகள் அல்லது தரகு முதலாளிகள் அவர்களின் இடத்தை பிடித்துவிட்ட நிலையில் அடித்தட்டு மக்களுக்கு எதிரான ஊடகக் கருத்தியல் வன்முறை தொடர்கிறது. தமிழ் ஊடகப் பரப்பில் ஜனநாயகம் இல்லை.என்பது போன்ற எண்ணம் அல்லது குற்றச்சாட்டு பலரிடம் இருக்கிறது.'
இன்றைய உலகமயமாதல் சூழலில் ஊடகம் என்பதே ஐனநாயக விரோத வடிவமாக இருக்கும் போது அதற்குள் எப்படி ஜனநாயகத் தன்மையை எதிர்பார்க்க முடியும்? என்பது முக்கியமான தொரு கேள்வி.
சந்தைக்கான உற்பத்தி என்பது பின்தள்ளப்பட்டு உற்பத்திக்கான சந்தையை திட்டமிட்டு உருவாக்குவது என்பது முதன்மைப்படுத்தப்பட்டுள்ள இன்றைய சூழலில் தனிமனிதனுடைய கருத்தில் தளத்தில் அத்துமீறி நுழைந்து அவனை புதிய தயாரிப்புக்களுக்கான நுகர்வோனாக மாற்றுகின்ற வேலையைத் தான் ஊடகங்கள் செய்கின்றன.ஊடகம் என்பது மக்களுக்கானது மக்களுடைய குரலைப் பிரதி பலிப்பது என்பதெல்லாம் இன்று காலாவதியாகிப் போன வார்த்தைகளாகும்.
பல்தேசிய கம்பனிகளின் அல்லது உலகப் பெருமுதலாளித்துவத்துவத்தின் தேவைகளுக்கு அல்லது நலன்களுக்கு மக்களை தயார்படுத்துகின்ற பொறிமுறை அமைப்புக்களாகத்தான் இன்றைய ஊடகங்கள் இருக்கின்றன.
இங்கே மேற்குலகிலே ஊடகங்களின் கருத்தியல் வெளிப்பாட்டு முறையென்பது
• நேர் கோட்டுமுறை
• சமாந்தரமுறை
• ஊடறுக்கும் முறை
• சமூகப் பிரதிபலிப்பு முறை
என்கின்ற நான்கு அடிப்படைகளை கொண்டிருக்கின்றன.
உள்ளதை உள்ளபடி சொல்வதாக சொல்லிக் கொள்ளும் நேர்கோட்டு முறையும் (தினத்தந்தி மாலை முரசு என்பன) எதிரெதிர் முரண்பாடுகளை கட்டமைத்து இருதரப்பு கருத்துக்களையும் நடுநிலைமையாக சொல்லிக் கொள்ளும் பிபிசி பாணியாலான (ஹிண்டு இந்தியா ருடே தினமணி இந்தியன் எக்ஸ்பிரஸ்) சமாந்தர முறையும்,எதிரெதிர் முரண்பாடுகளை கட்டமைத்துச் சென்று ஒரு முக்கிய திருப்பத்தில் ஒரு தரப்பை நிராகரித்து மறுதரப்பை நேரடியாகவே மறைமுகமாவோ நியாயப்படுத்தம் சிஎன்என் என்பிசி முதலான அமெரிக்க ஊடகங்கள் பின்பற்றும் ஊடறுக்கும் முறையும்(சண்குழுமம் மற்றும் அதிமுக சார்பு ஊடகங்கள் உட்பட அனைத்து அரசியில் கட்சி சார்பு ஊடகங்கள் தினமலர் முதலானவை பின்பற்றும் முறை) தமிழகத்திலே இருக்கிறது.
ஆனால் உரிமை மறுக்கப்பட்ட மக்களின் மனச்சாட்சியாக குரலற்றவர்களின் குரலாக இருக்கக் கூடிய சமூகப் பிரதிபலிப்பு முறையிலான ஊடகங்கள் அதாவது ஒரு செய்தியின் செய்திப் பெறுமதியை தான் சார்ந்த மக்கள் தளத்தில் அல்லது சமூகத்தளத்தில் வைத்துப் பார்க்கும் அல்ஜசீரா போன்ற ஊடகக் கட்டமைப்பு தமிழகத்தில் இல்லை.
பரமக்குடி கலவரமும் துப்பாக்கசி சூடும் சமூகப் பிரதிபலிப்பு முறையை கையாழும் ஒரு ஊடகத்துக்குத்தான் முக்கியமான ஒன்றாக இருக்கும்.
ஏனைய முறைகளை கையாளும் ஊடகங்களுக்கு பரமக்குடி சம்பவத்தைவிட அஜித்தினுடைய மங்காத்தா படம் எவ்வளவு வசூலைக் குவித்தது இன்றைய நிலவரப்படி அது இன்னும் எவ்வளவு வசூலைக் குவிக்கும் என்பதே முக்கியமானதாகவும் அவர்களது வங்கியிருப்பை நிரப்புவதற்கு தேவையானதாகவும் இருக்கும்
இந்த யதார்த்தத்தை புரிந்து கொண்டு எங்களுக்கென்று சமூகப் பிரதிபலிப்பு முறையிலான ஊடகங்களை நாங்கள் உருவாக்காதவரை அவ்வாறு உருவாகும் ஊடகங்களை ஊக்குவிக்காதவரை எதுவுமே மாறப் போவதில்லை.
அடுத்து இந்தியாவிலுள்ள ஆதிக்க ஊடகங்களில் தலித்துகளுக்கு இடம் இருப்பதில்லை என்பது உண்மைதான். ஆனால் அதன் மறுபக்கம் பார்த்தால் தலித்துக்கள் அதிக்க சக்திகளுக்கு துணைபோகும் ஆதிக்க ஊடகவியலாளர்களாக உருவாகாமல் இருப்பது அல்லது உருவாக்கப்படாமல் இருப்பது சிறந்தது.
அன்புடன்
சிவா சின்னப்பொடி

இந்திய கம்யூனிஸ்ட் கட்சிகளை மடக்கும் மகிந்தவின் இரகசிய முயற்சி - வெளிச்சத்துக்கு வந்தது

2011-09-15T11:39:00.001+02:00

இந்திய கம்யூனிஸ்ட் கட்சிகளின் ஈழத்தமிழர் ஆதரவுப் போக்கை உடைப்பதற்காக சிறிலங்கா அதிபர் மகிந்த ராஜபக்ச, மூத்த அமைச்சரான டியு. குணசேகரவை இந்தியாவுக்கு அனுப்பி வைத்த விவகாரம் வெளிச்சத்துக்கு வந்துள்ளது.

இதுகுறித்து கொழும்பு ஊடகம் ஒன்றில் வெளியான தகவல்களின் தொகுப்பு.

“வைகோ, நெடுமாறன் போன்றவர்கள் எப்போதும் புலிகளுக்குப் பின்னால் தான் நிற்பார்கள். ஆனால் இந்திய கம்யூனிஸ்ட் கட்சிகள் சிறிலங்காவைப் பற்றி தவறாகப் புரிந்து கொண்டிருக்கின்றனர்.

அவர்களை சரிப்படுத்த வேண்டும்.“ என்று அண்மையில் நடந்த அமைச்சரவைக் கூட்டத்தில் கூறியுள்ளார் சிறிலங்கா அதிபர்.

அத்துடன் டியு குணசேகரவைப் பார்த்து “நீங்கள் சிறிலங்கா கம்யூனிஸ்ட் கட்சியின் தலைவராக இருக்கிறீர்கள், இந்தியாவிலுள்ள இரு கம்யூனிஸ்ட் கட்சிகளுக்கும் உங்களால் ஏன் இது பற்றி விளக்கமளிக்க முடியாது?“ என்று கேள்வி எழுப்பியுள்ளார்.

அதற்கு டியு குணசேகர ‘பழுதுநீக்கும்‘ பயணத்தை மேற்கொள்ளத் தயாராக இருப்பதாக கூற, அடுத்தவாரமே இந்தியாவுக்கு செல்லுமாறு மகிந்த ராஜபக்ச கூறியுள்ளார்.

இந்தியப் பிரதமர் மன்மோகன்சிங்கை சந்தித்து பிந்திய நிலவரங்கள் குறித்து எடுத்துக் கூறுமாறும் டியு குணசேகரவிடம் கூறியுள்ளார் மகிந்த ராஜபக்ச.

வெளிவிவகார அமைச்சர் ஜி.எல்.பீரிசும், பிரதி வெளிவிவகார அமைச்சர் நியோமல் பெரேராவும் வெளிநாடுகளுக்கு சென்றிருந்த நிலையில், டி.யு குணசேகரவை பதில் வெளிவிவகார அமைச்சராக நியமித்த மகிந்த ராஜபக்ச, அந்தப் பதவியுடன் அவரை இந்தியாவுக்கு அனுப்பி வைத்துள்ளார்.

சிறிலங்கா அதிபரின் பணிப்பை அடுத்து, நேரத்தை வீணடிக்காமல், இந்தியத் தலைவர்களுக்கு விளக்கமளிப்பதற்குத் தேவையான தகவல்களை டியு.குணசேகர திரட்டியுள்ளார்.

இடம்பெயர்ந்தோர் மீள்குடியமர்வு, முன்னாள் போராளிகளின் புனர்வாழ்வு மற்றும் அவசரகாலச்சட்ட நீக்கம், வடக்கில் மீள் ஏற்படுத்தப்பட்ட குடியியல் நிர்வாகம் குறித்த தகவல்களைத் திரட்டிக் கொண்ட அவர், சில மேற்கு நாடுகள் சிறிலங்காவில் குழப்பத்தை ஏற்படுத்த மேற்கொள்ளும் முயற்சிகள் பற்றிய தகவல்களையும் சேகரித்துக் கொண்டே தனது பயணத்தைத் தொடங்கியுள்ளார்.

பதில் வெளிவிவகார அமைச்சர் பதவியுடன் கடந்த 7ம் நாள் புதுடெல்லிக்குப் பயணமான டியு.குணசேகர, மறுநாள் இந்தியக் கம்யூனிஸ்ட் கட்சியின் பொதுச்செயலர் டி.ராஜாவை கட்சியின் தலைமையகத்தில் சந்தித்துப் பேசியிருந்தார்.

இதன்போது, பேரினவாத சிறிலங்கா அரசுக்குப் பின்னால் கம்யூனிஸ்ட் கட்சிகள் எவ்வாறு இருக்கின்றன என்று டி.ராஜா கேள்வி எழுப்பியுள்ளார்.

அதற்கு டியு.குணசேகர சிறிலங்கா அரசு இனவாத அரசு அல்ல என்றும், அங்குள்ள களநிலைமையை இந்தியா சரியாகப் புரிந்து கொள்ள வேண்டும் என்றும் குறிப்பிட்டுள்ளார்.

பின்னர் மாக்சிஸ்ட் கம்யூனிஸ்ட் கட்சியின் பொதுச்செயலர் பிரகாஸ் கரட்டையும் சந்தித்த டியு.குணசேகர சிறிலங்கா நிலவரங்கள் குறித்து விளக்கமளித்துள்ளார்.

வியாழக்கிழமை இரவு இரண்டு கம்யூனிஸ்ட் கட்சிகளினதும் மத்திய குழு உறுப்பினர்களையும் ஒன்றாக டியு.குணசேகர சந்தித்துப் பேசியுள்ளார்.

இந்தச் சந்திப்புகளின் போது அமெரிக்கா, பிரித்தானியா உள்ளிட்ட மேற்குலக நாடுகள் சிறிலங்காவுக்கு எதிராகச் செயற்படுவது குறித்து டியு.குணசேகர எடுத்துக் கூறியுள்ளார்.

தமது போர்நிறுத்த அழைப்பைப் புறக்கணித்ததால் தான் சிறிலங்காவுக்கு எதிராக இந்த நாடுகள் திரும்பியுள்ளதாகவும், சிறிலங்கா அரசை குழப்ப மேற்குலக நாடுகள் முனைவதாகவும் அவர் குற்றம்சாட்டியுள்ளார்.

இதையடுத்து கடந்த 9ம் நாள் இந்தியப் பிரதமர் மன்மோகன்சிங்கை சந்தித்து விட்டு அன்று பிற்பகலே கொழும்பு திரும்பியுள்ளார் டியு.குணசேகர.

அவரது இந்தியப் பயணம் வெற்றிகரமாக அமைந்ததாக கொழும்பு ஊடகம் ஒன்று தகவல் வெளியிட்டுள்ளது.

puthinappalakai

விடுதலைப் புலிகள் மீதான 'பயங்கரவாத' முத்திரை நீக்கப்படுமா? - நெதர்லாந்தில் விசாரணை ஆரம்பம்

2011-09-15T11:37:00.000+02:00

ஹேக்கில் மேற்கொள்ளப்பட்ட வழக்கு விசாரணையானது புலிகள் மீதான தடை நீக்கம் மற்றும் குற்றம் சாட்டப்பட்ட நெதர்லாந்துத் தமிழர்களின் விவகாரத்தில் நெகிழ்வுத்தன்மையை ஏற்படுத்தும் என நம்பப்படுகின்றது.

இவ்வாறு உலகளாவிய ஒலிபரப்பு சேவையைக் கொண்ட நெதர்லாந்து வானொலியின் [Radio Netherlands Worldwide - RNW] இணையத்தளத்தில் Richard Walker எழுதியுள்ள செய்திக்குறிப்பில் தெரிவித்துள்ளார். அதனை 'புதினப்பலகை'க்காக மொழியாக்கம் செய்தவர் நித்தியபாரதி.

தமிழீழ விடுதலைப் புலிகள் அல்லது பிரிவினைவாத தமிழ்ப் புலிகளுக்கு ஆதரவு வழங்கியவர்கள் என்ற குற்றச்சாட்டின் பேரில் தடுத்து வைக்கப்பட்டுள்ள ஐந்து சிறிலங்காத் தமிழர்கள் விசாரணைக்காக ஹேக்கில் முன்னிறுத்தப்படவுள்ளனர்.

சிறிலங்காவில் 30 ஆண்டுகளாக இடம்கெற்ற உள்நாட்டுப் போரில் பங்குபற்றிய தரப்புக்களில் சரியானவர் யார் பிழையானவர் யார் என்பது தொடர்பாகத் தீர்வை எட்டுவதற்கு இவ்வழக்கு விசாரணையின் சாத்தியமான தீர்ப்புக்கள் பதிலாக அமையும்.

சிறிலங்காவின் வடக்கு மற்றும் கிழக்குப் பகுதிகளில் கடந்த முப்பது ஆண்டுகளாகத் தொடரப்பட்ட குருதி தோய்ந்த யுத்தத்தின் விளைவாக, புலம்பெயர்ந்து உலகெங்கும் பரவி வாழும் தமிழ் மக்கள் தமது தலைமைக்கு ஆதரவாகப் பலவிதமான பங்களிப்புக்களை ஆற்றிவந்துள்ளனர்.

குறிப்பாக இப்புலம்பெயர் வாழ் தமிழ் மக்கள் தமிழ்த் தலைமைக்கு ஆதரவாக நிதி சேகரிப்புப் பணிகளில் அதிகம் ஈடுபட்டிருந்தனர். இவ்வாறு புலம்பெயர் வாழ் தமிழ் உறவுகளால் சேகரிக்கப்பட்ட மில்லியன் கணக்கான டொலர்களின் உதவியுடன் சிறிலங்கா அரசின் இராணுவத்தை எதிர்த்து நிற்பதற்கான ஆயுதங்களைப் புலிகள் கொள்வனவு செய்தனர்.

நெதர்லாந்தில் இடம்பெற்ற தமிழர்களின் கலந்துரையாடல்களை அந்நாட்டின் காவற்துறைப் புலனாய்வாளர்களை உள்ளடக்கிய குழுவொன்று கண்காணித்தது.

இவ்வாறு இப்புலனாய்வுக் குழுவால் நெதர்லாந்துத் தமிழர்களின் புலி ஆதரவுச் செயற்பாட்டை எதிர்த்து Operation Koninck என்ற பெயரில் மேற்கொள்ளப்பட்ட தேடுதல் நடவடிக்கையின் பின்னர் வெளியிடப்பட்ட அறிக்கையில், சிறிலங்காவில் தமிழீழம் என்ற பெயரில் தமிழ் மக்களுக்கான தனிநாடு கோரிப் போராடிய விடுதலைப் புலிகளால் மேற்கொள்ளப்பட்ட 'இறுதி யுத்தத்திற்கு' புலம்பெயர் தமிழ் மக்கள் எவ்வாறு நிதியைத் திரட்டிக் கொடுத்தார்கள் என்பது தொடர்பாக விரிவாகக் குறிப்பிடப்பட்டுள்ளது.

தமிழர்களின் தனிநாட்டுக் கோரிக்கையானது விடுதலைப் புலிகளின் தலைவர் வேலுப்பிள்ளை பிரபாகரனின் மரணத்திற்குப் பின்னரும், 2009ல் முடிவிற்கு வந்த யுத்தத்தை அடுத்தும் வெறும் கனவாகிப் போனது.

நெதர்லாந்துக் காவற்துறையால் Operation Koninck என்ற பெயரில் மேற்கொள்ளப்பட்ட இந்நடவடிக்கை மூலம் சில நெதர்லாந்துத் தமிழர்கள் கைதுசெய்யப்பட்டனர். இவ்வாறு கைது செய்யப்பட்டவர்களில் ஐந்து தமிழர்கள் மீது சிறப்பு போர்க் குற்றச்சாட்டுக்கள் சுமத்தப்பட்டு ஹேக்கில் விசாரணைக்கு முன்நிறுத்தப்படவுள்ளனர்.

தற்போது ஹேக்கில் முன்னிறுத்தப்படவுள்ள நெதர்லாந்துத் தமிழர்கள், பயங்கரவாதச் செயற்பாடுகளில் ஈடுபட்ட குற்றவியல் அமைப்பொன்றின் உறுப்பினர்கள் என்றும் இந்நோக்கத்திற்காக நிதி சேகரிப்பில் ஈடுபட்டிருந்தனர் எனவும் இவர்கள் மீது குற்றம் சாட்டப்பட்டுள்ளது.

இவர்கள் முதலில் விசாரணைக்காக முன்நிறுத்தப்பட்ட நீதிமன்றானது இவர்களைப் பயங்கரவாத அமைப்பின் உறுப்பினர்கள் எனக் குற்றம் சாட்டியுள்ளது.

இந்நீதிமன்றானது அனைத்துலக குற்றவியல் நீதிமன்று போன்று அனைத்துலக அமைப்பாக இல்லாவிடினும் கூட,நெதர்லாந்து நாட்டின் குற்றவியல் நீதிமன்றாகச் செயற்படுவதுடன், இங்கு பணிபுரியும் நீதிபதிகள் நெதர்லாந்தின் 'பொதுவான' நீதிமுறைமைகளின் கீழேயே செயற்பட்டுவருகின்றனர்.

இதில் குற்றம் சாட்டப்பட்டவர்களில் ஒருவரான 46 வயதுடைய ஆர்.சிறிறங்கம் என்பவர் ஹேக்கைச் சேர்ந்தவராவார். இருபது ஆண்டுகளுக்கு முன்னர் நெதர்லாந்திற்கு தப்பியோடி வந்த இவர் தமிழ்ப் புலிகளின் நெதர்லாந்துப் பிரிவின் தலைவராகாச் செயற்பட்டவர் என நம்பப்படுகின்றது.

இவரின் வழக்குரைஞரும் சட்ட ஆலோசகருமான விக்ரர் கோப்பே [Victor Koppe] என்பவர், ஐரோப்பிய ஒன்றியத்தால் தடைசெய்யப்பட்டுள்ள பயங்கரவாத அமைப்புக்களின் பெயர்ப் பட்டியலிலிருந்து தமிழீழ விடுதலைப் புலிகள் அமைப்பின் பெயர் நீக்கப்பட வேண்டும் என்ற கோரிக்கை அடங்கிய மனுவொன்றை அண்மையில் ஐரோப்பிய நீதிமன்றில் சமர்ப்பித்திருந்தார்.

ஹேக்கில் மேற்கொள்ளப்பட்ட வழக்கு விசாரணையானது புலிகள் மீதான தடை நீக்கம் மற்றும் குற்றம் சாட்டப்பட்ட நெதர்லாந்துத் தமிழர்களின் விவகாரத்தில் நெகிழ்வுத்தன்மையை ஏற்படுத்தும் என நம்பப்படுகின்றது.

தமிழீழ விடுதலைப் புலிகள் பயங்கரவாத அமைப்பைச் சேர்ந்தவர்கள் என்பதை நிரூபிப்பது மிகவும் கடினமானதாகும். இந்த வழக்கு விசாரணையில் விக்ரர் கோப்பேக்கு உதவியாகச் செயற்படும் சட்ட ஆலோசகரான ரமரா புறூமா [Tamara Buruma] என்பவர் "நெதர்லாந்துத் தமிழர் தொடர்பாக மேற்கொள்ளப்பட்ட முதற் கட்ட விசாரணையில் நிதி சேகரித்தது தொடர்பாக அதிகம் பேசப்படவில்லை. ஆனால் சிறிலங்காவில் புலிகள் உண்மையில் என்ன செய்தார்கள் என்பது தொடர்பாகவே அதிகம் விசாரிக்கப்பட்டது.

இதிலிருந்து கைதுசெய்யப்பட்ட நெதர்லாந்துத் தமிழர்கள் புலிகளுக்கு நிதி வழங்கினார்களா அல்லது இல்லையா என்பது பிரதான விசாரணையாக இருக்கவில்லை. மாறாக தமிழீழ விடுதலைப் புலிகள் பயங்கரவாத அமைப்பைச் சேர்ந்தவர்களா அல்லது இவர்கள் சுதந்திரப் போராளிகளா என்பதே விசாரணையின் பிரதான கேள்வியாக அமைந்துள்ளது" எனத் தெரிவித்தார்.

நீதிமன்றானது புலிகள் என்ன செய்தார்கள், நெதர்லாந்து குற்றவியல் சட்டத்தின் கீழ் புலிகள் பயங்கரவாதச் செயல்களில் ஈடுபட்டார்களா, இவற்றைச் சாட்சிப்படுத்துவதற்கு அரசியல் ரீதியாக ஐரோப்பிய ஒன்றியத்தின் பயங்கரவாதப் பட்டியல் போதுமானதா என்பது தொடர்பாக சரியான வரையறைகளை மேற்கொள்ள வேண்டியிருக்கும்.

நெதர்லாந்து காவற்துறையினரின் அறிக்கையின் பிரகாரம், நெதர்லாந்தில் வாழும் ஒவ்வொரு தமிழ்க் குடும்பங்களும் ஆண்டிற்கு €2000 நிதியை சிறிலங்காவின் தமிழ்ப் பகுதிகளுக்கு மானியமாக வழங்க வேண்டும் என எதிர்பார்க்கப்பட்டனர்.

இவர்கள் நிதி வழங்க மறுத்தால் சிறிலங்காவில் வாழும் இவர்களது உறவுகள் பின்விளைவுகளைச் சந்திக்க வேண்டும் என அச்சுறுத்தப்பட்டதாகவும், நெதர்லாந்துக் காவற்துறையின் அறிக்கையில் குறிப்பிடப்பட்டுள்ளது.

தம்மால் சேகரிக்கப்பட்ட நிதியானது மனிதாபிமான நோக்கத்திற்காக வழங்கப்பட்டதாகவும் குற்றம் சாட்டப்பட்டவர்கள் வாதிடுகின்றனர்.

தமிழீழ விடுதலைப் புலிகள் சிறிலங்காவின் வடக்கு கிழக்குப் பகுதிகளில் நிழல் அரசாங்கத்தை உருவாக்கி பல ஆண்டுகளாக நிர்வாகத்தை நடைமுறைப்படுத்தியதிலிருந்து, இவ்வமைப்பானது சுகாதார வசதிகள் தொடக்கம் இராணுவப் பயிற்சி மற்றும் குண்டுத் தயாரிப்புப் போன்ற பல்வேறு விடயங்களுக்கும் நிதியை செலவிட்டிருந்தது. இதில் எந்த நிதி எதற்காகச் செலவிடப்பட்டது என்பதை பிரித்துப் பார்க்கவேண்டும்.

புலம்பெயர் நாடுகளில் சேர்க்கப்படும் நிதியானது புலிகள் அமைப்பிடம் நேரடியாக வழங்கப்பட்டிருந்தாலும் கூட, அவர்கள் பயங்கரவாதிகள் அல்லர், புலிகள் அமைப்பானது ஒரு விடுதலை அமைப்பாகும் என பிரதிவாதிகள் தெரிவிக்கின்றனர்.

தமிழ்ப்புலிகள் எவ்வாறு செயற்பட்டார்கள் என்பதையும் அவர்கள் எவ்வாறு சிறிலங்காவில் இடம்பெற்ற இரத்தம் தோய்ந்த போருக்கு மையப்பொருளாக இருந்தார்கள் என்பதை விவரிக்கமுடியாது.

சிறிலங்கா அதிபர் மகிந்த ராஜபக்சவின் அரசாங்கத்தின் பார்வையில், விடுதலைப் புலிகள் தற்கொலைக் குண்டுத்தாக்குதல் தொடக்கம் சிறுவர் ஆட்சேர்ப்பு வரை பல்வேறு சட்டரீதியற்ற செயற்பாடுகளின் மூலம் பெரும்பான்மைச் சிங்கள மக்களுக்கு எதிராக இரக்கமற்ற பயங்கரவாதச் செயற்பாடுகளைக் கட்டவிழ்த்துவிட்டவர்கள் எனக் கருதப்படுகின்றனர்.

பெரும்பாலான தமிழ் மக்களைப் பொறுத்தளவில் தமிழ்த் தாய்நாட்டை சட்டரீதியாக உருவாக்குகின்ற நோக்கத்திற்கு மிக அருகில் சென்றவர்கள் எனக் கருதுகின்றனர்.

இதுதொடர்பான முதலாவது வழக்கு விசாரணையானது நாளை ஹேக்கில் இடம்பெறவுள்ளது. அதன்பிறகு, தமிழ்ப் புலிகள் பயங்கரவாதிகளா அல்லது விடுதலை அமைப்பா என்பதைத் தீர்மானிப்பதற்கு நீதிமன்றிற்கு மூன்று வாரங்கள் எடுக்கும்.

சிறீலங்கா அரசின் வெள்ளை பொய்கள்- NDTV தொலைக்காட்சி --காணொளி இணைப்பு

2011-09-11T21:09:00.001+02:00

தமிழர்களே விரைவாக செயல்படுங்கள்

2011-09-11T13:27:00.001+02:00

தமிழர்களே விரைவாக செயல்படுங்கள்: சமூக வலைதளங்களில் ஐ.நா. பொதுசெயலாளருடன் கலந்துரையாடல்

Time

Tuesday, September 13 · 11:00am - 12:00pm
Location

Facebook, Twitter, Weibo, Livestream and UN Webcast

Created By

UN Webcast

http://www.facebook.com/UNwebcast
More Info

As world leaders prepare to gather in New York for the annual United Nations General Assembly, please join us in a global conversation with the UN Secretary-General, streamed live on Facebook, Twitter, Weibo, Livestream and UN Webcast.

Our moderator Ms Juju Chang, television anchor and journalist, will put your questions to Mr. Ban.

Join in to ask the UN Secretary-General anything you like about the United Nations and its w...ork: What more can we do to stop wars from breaking out?

What can one individual do in the fight against climate change ? What’s it like to be Secretary-General of the UN? It’s your chance to get answers straight from the top, on the international issues you care about.

WHERE:

Facebook: http://www.facebook.com/UNwebcast

Twitter: http://www.twitter.com/ using #asktheSG

Weibo: http://www.weibo.com/UN (Chinese)

Livestream: http://www.livestream.com/unitednations

UN Webcast: http://www.un.org/webcast

HOW:

Post your questions on Twitter using #asktheSG in English, French, Arabic, Chinese, Russian, Spanish, Portuguese or Swahili, before or during the live event. Questions in Chinese can also be posted on Weibo: http://www.weibo.com/UN

Watch the event live on Facebook, Weibo, Livestream or UN Webcast.

WHEN:

13 September 2011 at 11:00 a.m. New York Time (EST)

Webpage of the Event in the 6 UN Official languages: http://www.un.org/askthesg/

The archived video of the event will be available on the UN Webcast website with subtitles in the 6 UN Official languages.

மற்றவர்களுக்கும் தெரியபடுத்துங்கள்

இன்றைய செய்திகள் GTV 09.09..2011

2011-09-09T19:08:00.002+02:00

இன்றைய செய்திகள் (ஜிரிவி)08.09.2011

2011-09-08T16:00:00.002+02:00

உண்ணாவிரத மேடையில் திலீபன் ஆற்றி உரை

2011-09-08T14:37:00.001+02:00

தியாக தீபம் திலீபன் 08

2011-09-08T14:36:00.001+02:00

தியாக தீபம் திலீபன் 07

2011-09-08T14:35:00.001+02:00

தியாக தீபம் திலீபன் 06

2011-09-08T14:34:00.001+02:00

தியாக தீபம் திலீபன் 05

2011-09-08T14:33:00.001+02:00

தியாக தீபம் திலீபன் 04

2011-09-08T14:32:00.001+02:00

தியாக தீபம் திலீபன் 03

2011-09-08T14:31:00.002+02:00

தியாக தீபம் திலீபன் 02

2011-09-08T14:30:00.000+02:00

தியாக தீபம் திலீபன் 01

2011-09-08T14:29:00.001+02:00

6 9 11 தமிழன் செய்திகள்

2011-09-06T20:56:00.001+02:00

இன்றைய செய்திகள் ஜிரிவியில்

2011-09-06T16:13:00.001+02:00

விடுதலை ராஜேந்திரன் உரை

2011-09-03T17:29:00.002+02:00

மரணதண்டனையை ஒழிப்போம் !! மனிதநேயம் காப்போம் -

2011-09-03T17:24:00.002+02:00

தோழர் கலியாணசுந்தரம் உரை

சொறியச் சொறிய கடித்துச் செல்லும் முடிவே இல்லாத சிரங்கு… ராஜிவ் கொலை (காணொளி)

2011-09-02T12:54:00.000+02:00

தனுவின் நெற்றியில் இருந்த பொட்டு ராஜீவ் காந்தி படுகொலை மீண்டும் எழும் சந்தேகங்கள்.

மறைந்த பாராதப் பிரதமர் ராஜீவ் காந்தியின் மரணம் தொடர்பாக திருச்சி வேலுச்சாமி குமுதம் இணையத்தளத்திற்கு வழங்கிய செவ்வியில் இதுவரை வெளிவராத இரகசியங்கள் பலதை வெளியிட்டுள்ளார்.

ராஜீவ்காந்தியைக் கொல்வதற்கு வெடிகுண்டு கட்டிச் சென்ற பெண் என்று கூறப்படும் தனுவின் நெற்றியில் உள்ள பொட்டை முக்கிய தடயமாக அவர் முன் வைத்தார்.

வெடிகுண்டு வெடிப்பதற்கு சுமார் 15 நிமிடங்கள் முன்பு எடுக்கப்பட்ட புகைப்படத்தில் சிவராசனுக்கு அருகில் மாலையுடன் நிற்கும் தனுவின் நெற்றியில் பொட்டு இல்லை.

வெடிகுண்டு வெடித்து சிதறிக்கிடக்கும் தனுவின் சிதறிய உடலின் நெற்றியில் பொட்டு காணப்படுகிறது. இரண்டு படங்களையும் அவர் பகிரங்கமாகக் காட்டினார். பின் முக்கியமான கேள்வி ஒன்றை எழுப்பினார்.

பொட்டு வைத்தபடி குண்டைக் காவிச்சென்ற தனுவின் நெற்றியில் இருந்த பொட்டு குண்டு வெடிப்பில் அழிந்துவிட்டதென்றால் அதில் ஒரு நியாயம் இருக்கிறது. ஆனால் இறந்த பின்னர் அவருடைய நெற்றியில் பொட்டு வந்ததென்றால் அதில் என்ன நியாயம் இருக்கப்போகிறது..?

கொலையாளி ஒரு தமிழ் பெண்தான் என்று காட்டுவதற்காக அந்தப் பொட்டு அணிவிக்கப்பட்டதா..?

இல்லை சிதறிக் கிடக்கும் உடலம் தனுவின் உடலம் இல்லாமல் வேறொரு பெண்ணின் உடலமா..?

இல்லை புகைப்படம் எடுத்த பின் தனு பொட்டு வைத்தாரா..? அப்படி வைத்தால் அந்த நேரம் அவருக்கு எங்கிருந்து வந்தது பொட்டு..?

மேலும்…

சம்பவம் நடைபெற்றபோது ஒரு ஒளிப்படம் எடுக்கப்பட்டதாகவும், அதை இன்றுவரை உள்துறை செயலராக இருந்த கே.ஆர்.நாராயணன் விசாரணைக்காக ஒப்படைக்கவில்லை என்றும், இந்த வழக்கின் மர்மமே அதில்தான் புதைந்துள்ளதாகவும், சாந்தன், பேரறிவாளன், முருகன் ஆகியோர் குற்றமற்றவர்கள் என்றும் தெரிவித்தார்.

இதைத் தொடர்ந்து மேலும் பல கேள்விகளை அவர் எழுப்பினார்.

கேள்வி 01. அன்று ராஜீவ்காந்தி விசாரணைகளுக்கு பொறுப்பாக இருந்த ப.சிதம்பரம் அந்த விசாரணை அறிக்கைகள் முற்றாக தொலைந்துவிட்டதாகக் கூறினார்.. இது சரியா..?

கேள்வி 02. கம்யூனிஸ்டான தா. பாண்டியன் அந்தச் சம்பவத்தில் காயமடைந்தவர். அவர் ப.சிதம்பரத்திடம் இதுபற்றி கேட்டபோது மழுப்பலான பதிலையே கொடுத்துள்ளார் ஏன் மழுப்பினார்..?

கேள்வி 03. அரசியலை விட்டு முற்றாக ஒதுங்குவதாகக் கூறிய நரசிம்மராவ் ராஜிவ் இறந்ததும் எப்படி மறுபடியும் பிரதமரானார்..?

கேள்வி 04. கொலை நடைபெற்று விசாரணைகள் தொடங்கவில்லை அதற்குள் புலிகளே காரணம் என்று சுப்பிரமணியசாமி முடிவுகட்டி சொன்னது எப்படி..?

கேள்வி 05. சாதாரண பஞ்சாயத்து தலைவராகக்கூட இல்லாத சுப்பிரமணியசுவாமிக்கு இன்றுகூட பூனைப்படையின் பாதுகாவல் எதற்கு..?

கேள்வி 06. ராஜிவின் சொத்துக்களையும் அரசியல் பலத்தையும் அனுபவிக்கும் முக்கியமான நால்வர் இந்த விவகாரத்தில் தொடர் மௌனம் காப்பது எதற்கு..?

கேள்வி 07. இந்த விவகாரத்தின் முக்கியமான சந்தேக நபர்கள் எல்லாம் உயர்ந்த பட்டம், பதவிகளில் தொடர்ந்து நீடிப்பது எப்படி..?

கேள்வி 08. சந்திராசாமிதான் அன்றைய வெடிகுண்டு பெல்டை பூசை செய்து சிவராசனிடம் எடுத்துக் கொடுத்தார் என்ற விவகாரத்தை சொன்ன நபரை கார்த்திகேயன் ஏன் தாக்கி பற்களை உடைத்தார்?

கேள்வி 09. கார்த்திகேயன் புலிகளை மட்டும் குற்றவாளிகளாகக் காட்டுவதற்கு மேல் விசாரணைகளை முன் நகரவிடாது ஏன் தடுத்தார்..?

மேற்கண்ட ஒன்பது கேள்விகளும் மேலும் பல புதிய கேள்விகளுக்கு தூண்டுதலாக அமைகின்றன. நேற்று முன்தினம் தமிழக முதல்வர் ஜெயலலிதா குறிப்பிட்டபோது பேரறிவாளன் உட்பட மூவருக்கும் தூக்குத்தண்டனை வழங்கலாம் என்ற முடிவை மு.கருணாநிதியே எடுத்தார்…என்றார். அப்படியானால் அந்த முடிவை அவர் எப்படி எடுத்தார். அவருக்கு பின்னால் உள்துறை அமைச்சர் ப.சிதம்பரம் இருந்தாரா..?

கேள்வி 10. விடுதலைப்புலிகள் இதில் எப்படி மாட்டுப்பட்டார்கள்..? புதுமாத்தளன் இறுதி நேரத்திலாவது இந்த உண்மையை விடுவிக்காமல் அவர்கள் ஆடுகளத்தில் இறுகிய மௌனமாக இருநத்து ஏன்..?

கேள்வி 11. தென்னாசிய அரசியலில் என்ன நடக்கிறது.. என்ன நடந்தது.. ஈழத் தமிழர்கள் இதில் ஏன் பகடைக்காய்கள் ஆனார்கள்..?

இதோ திருச்சி வேலுச்சாமியின் பேட்டியைக் கேட்டுப் பாருங்கள்:

பதில் சொல்ல வக்கில்லாமல், பயந்து ஓடி ஒளிந்த சாமியும், சுளுக்கெடுத்த சுப.வீ.யின் கேள்விகளும்

2011-09-01T22:07:00.000+02:00

மலர் ஓன்று ~ செங்கொடி

2011-08-31T23:14:00.001+02:00

தோழர் செங்கொடி நினைவாக

2011-08-31T23:08:00.001+02:00

உணர்வெழுர்ச்சியுடன் இடம்பெற்ற தோழர்.செங்கொடியின் இறுதி வணக்க நிகழ்வு! - சென்றுவா தமிழினப் பெருமகளே....

2011-08-31T23:04:00.002+02:00

சிறையில் பலருக்கு கல்வியறிவு புகட்டியவர் பேரறிவாளன்: சகோதரிகள் பெருமிதம்

2011-08-30T11:13:00.002+02:00

எங்களது சகோதரர் குறித்து நாங்கள் பெருமிதத்துடன்தான் இருக்கிறோம். அவர் குறித்து நாங்கள் பெருமைப்படுகிறோம். சிறையில் அடைக்கப்பட்டுள்ள நிலையில் அவர் மூலம் எத்தனையோ பேர் சிறைக்குள்ளேயே படித்து பட்டமும் வாங்கியுள்ளனர். பலருக்குக் கல்வி அறிவு புகட்டிய பெருமை பேரறிவாளனுக்கு உண்டு என்று கூறியுள்ளனர் அவரது இரு சகோதரிகளும்.

குயில்தாசன்-அற்புதம் அம்மாள் தம்பதிக்கு பேரறிவாளன் ஒரே மகன் ஆவார். இவர்களுக்கு அருள் செல்வி, அன்புமணி என இரு மகள்களும் உள்ளனர்.

இவர்களில் அருள் செல்வி சிதம்பரம் அண்ணாமலப் பல்கலைக்கழகத்தில் உதவிப் பேராசிரியையாக பணியாற்றி வருகிறார். அன்புமணி, ஊரக வளர்ச்சித்துறையில் பணியாற்றி வருகிறார்.

19 வயதிலேயே சிறைக்குப் போனவர் பேரறிவாளன். இதனால் இரு சகோதரிகளின் திருமணத்தையும் அவர் காணவில்லை. மேலும் அவர்கள் இருவருமே பேரறிவாளன் திரும்பி வரும் வரை மணம் புரியப் போவதில்லை என்று பிடிவாதமாக இருந்தவர்கள். இருப்பினும் பேரறிவாளனின் வற்புறுத்தலைத் தொடர்ந்து இருவரும் திருமணம் செய்து கொண்டனர்.

தங்களது சகோதரர் குறித்து அருள்செல்வி கூறுகையில், எங்களது சகோதரர் அறிவு குறித்து நாங்கள் பெருமைப்படுகிறோம். அவர் ஒரு நிமிடம் கூட அமைதியாக இருக்க மாட்டார். அடுத்தவருக்கு எந்த மாதிரி உதவலாம் என்பதுதான் அவரது ஒரே சிந்தனையாக இருக்கும்.

அடுத்தவருக்கு அவர் உதவுவதற்கு அளவே இருக்காது. பாரபட்சம் பார்க்காமல், பேதம் பார்க்காமல் உதவுவார். மற்றவர்களை மதிப்பதிலும் அவருக்கு நிகர் யாருமில்லை. அதேபோல மிகவும் நேர்மையாக நடந்து கொள்வார் என்றார்.

அன்புமணி கூறுகையில், சிறையில் அடைக்கப்பட்டது முதல் அங்குள்ள கைதிகளுக்கு கல்வி போதனையூட்டுவதிலும், கல்வி குறித்த விழிப்புணர்வை ஊட்டுவதிலும்தான் அறிவு ஈடுபட்டுள்ளார். நாங்கள் அவரைப் பார்க்கப் போகும் போதெல்லாம் புத்தகங்கள் வாங்கி வா என்று மட்டும்தான் கேட்பார். அந்தப் புத்தகங்களை கைதிகளுக்குக் கொடுத்து படிக்க வைப்பார். தானே சொல்லியும் கொடுப்பார். பல கைதிகள் இவரிடம் படித்து தேர்வு எழுதி பட்டங்களும் வாங்கியுள்ளனர் என்பதை நினைக்கும் போது பெருமையாக இருக்கிறது என்றார் கண்களில் கண்ணீர் மல்க.

மூவரையும் காக்க தமிழ் ஆர்வலர்கள் நடத்திய போராட்டத்திற்கு கிடைத்த முதல் வெற்றி

2011-08-30T11:08:00.001+02:00

சென்னை: 21 வருடங்களாக சிறையில் வாடி வரும் நிலையில், ராஜீவ் காந்தி கொலை வழக்கு இன்னும் முடிவுக்கு வராத நிலையில் பேரறிவாளன், முருகன், சாந்தன் ஆகியோரை தூக்கிலிடுவது நியாயமில்லை என்ற வாதத்தை முன்னிறுத்தி பல்வேறு அமைப்புகள், கட்சிகள், தமிழ் ஆர்வலர்கள் நடத்திய தீவிரப் போராட்டத்திற்கு கிடைத்துள்ள முதல் வெற்றியாக இன்றைய உயர்நீதிமன்ற உத்தரவும், முதல்வர் ஜெயலலிதாவின் திடீர் தீர்மானத்திற்கும் காரணம் என்று பார்க்கப்படுகிறது.

தமிழகத்தில் சமீப காலத்தில் இதுபோன்ற ஒரு பரபரப்பான சூழலை மக்கள் பார்த்ததில்லை என்று கூறும் அளவுக்கு தமிழ் ஆர்வலர்கள் மிகப் பெரிய அளவில் பொங்கி எழுந்து நடத்திய போராட்டம் தமிழ் மக்களுக்கு மட்டுமல்லாமல் அத்தனை பேரையும் உணர்ச்சிப் பெருக்கில் தள்ளி விட்டது மறுக்க முடியாத உண்மை.

அந்த அளவுக்கு தமிழகம் முழுவதும் மிகப் பெரிய அளவில் போராட்டங்கள் தீவிரமடைந்து விட்டன. அதிலும் சென்னையில் பெண் வக்கீல்கள் கயல் என்கிற அங்கயற்கண்ணி, சுஜாதா மற்றும் வடிவாம்பாள் ஆகியோர் தொடங்கி, நடத்திய காலவரையற்ற உண்ணாவிரதப் போராட்டம்தான் அனைவரையும் உசுப்பி விட்டு விட்டது.

இதைத் தொடர்ந்து தமிழகம் முழுவதும் பல்வேறு மட்டங்களில் போராட்டங்கள் வெடித்தன. மாணவர்கள், இளைஞர் அமைப்புகள், மனித உரிமை அமைப்புகள், வக்கீல்கள், அரசியல் அமைப்புகள் உள்பட பல்வேறு தரப்பினரும் போராட்டத்தில் குதித்தனர்.

கோவையில் நேற்று மாணவர்கள் நடத்திய மிகப் பெரிய போராட்டம் கோவை ரயில் நிலையத்தை ஸ்தம்பிக்க வைத்தது. பல மாவட்டங்களில் வக்கீல்கள் கோர்ட் புறக்கணிப்பை மேற்கொண்டதால் கோர்ட் பணிகள் முடங்கின. பல பகுகதிளில் மறியல்கள் உள்ளிட்டவற்றால் போக்குவரத்து பாதிக்கப்பட்டு செயலிழந்தது.

தலைநகர் சென்னையிலும் போராட்டங்கள் படு சூடாக நடந்து வந்தன. எப்படி அன்னா ஹஸாரே போராட்டத்தால் வட இந்தியாவில் பரபரப்பான சூழல் நிலவியதோ அதேபோன்றதொரு பரபரப்பும், பதட்டமும் தமிழகம் முழுவதும் காணப்பட்டது.

இந்தப் போராட்டங்களுக்கு பொதுமக்கள் மத்தியிலும் ஆதரவு அலை எழும்பியதன் காரணமாகவே, நேற்று என்னால் காப்பாற்ற இயலாத நிலை இருப்பதாக கூறிய முதல்வர் ஜெயலலிதா, இன்று ஆயுள் தண்டனையாக குறைக்குமாறு கோரி சட்டசபையில் தீர்மானம் நிறைவேற்ற வேண்டிய நிலை ஏற்பட்டதாக கருதப்படுகிறது.

மொத்தத்தில் மூவரின் உயிரைக் காக்க நடந்து வரும் போராட்டத்தில் இது முதல் வெற்றியாக தமிழ் ஆர்வலர்கள், மனித உரிமை அமைப்பினர், வக்கீல்கள் கூறியுள்ளனர்.

இடைக்காலத் தடை மிக மிக மகிழ்ச்சி தருகிறது- முருகன் மகள் அரித்ரா

2011-08-30T11:07:00.001+02:00

லண்டன்: எனது தந்தை உள்ளிட்டோரின் தூக்குத் தண்டனை நிறுத்தி வைக்கப்பட்டிருப்பதாக வந்த செய்தி எனக்கு பெரும் மகிழ்ச்சியைக் கொடுத்துள்ளது. இதற்காக பாடுபட்ட அனைவருக்கும் எனது நன்றிகள் என்று கூறியுள்ளார் முருகனின் மகள் அரித்ரா.

இதுகுறித்து அவர் கூறுகையில், இந்த செய்தி எனக்கு மிகவும் மகிழ்ச்சியைத் தந்துள்ளது. இதற்காக பாடுபட்ட, போராடிய அனைவருக்கும் எனது மிகப் பெரிய நன்றிகள். மிக மிக மகிழ்ச்சியாக உள்ளேன்.

ராகுல் காந்தி, பிரியங்காவுக்கு இந்த உத்தரவு கடினமானதாக இருக்கும். ஆனால் எனது பெற்றோர் தவறு செய்யாதவர்கள், அவர்கள் அப்பாவிகள். இந்த உத்தரவு எனக்கு மிகப் பெரியது, மதிப்பு மிக்கது என்றார் அரித்ரா.

எனக்கு நம்பிக்கை கொடுத்த ஜெயலலிதாவுக்கும், அனைவருக்கும் நன்றி- பேரறிவாளன் தாயார்

2011-08-30T11:06:00.001+02:00

சென்னை: என் பிள்ளை கிடைப்பானோ, மாட்டானோ என்று செத்துப் பிழைத்து வந்த எனக்கு அம்மா ஜெயலலிதா நம்பிக்கை கொடுத்துள்ளார். இதற்காக அவருக்கும், எனது மகனுக்காகப் போராடி வரும் அனைவருக்கும் நன்றி கூறிக் கொள்கிறேன் என்று பேரறிவாளனின் தாயார் அற்புதம் அம்மாள் கூறியுள்ளார்.

இதுகுறித்து சென்னை உயர்நீதிமன்ற வளாகத்தில் அவர் செய்தியாளர்களிடம் பேசுகையில், எனது பிள்ளை கிடைப்பானோ, இல்லையோ என்று தினசரி செத்துப் பிழைத்து வந்தேன். ஆனால் இன்று சட்டசபையில் தீர்மானம் நிறைவேற்றி எனக்குப் பெரும் மகிழ்ச்சி கொடுத்துள்ளார் அம்மா.

இதன் மூலம் எனக்கு பெரும் நம்பிக்கை கிடைத்துள்ளது. இதற்காக அம்மாவுக்கும், போராடிய அனைவருக்கும் நன்றி கூறிக் கொள்கிறேன் என்றார் தழுதழுத்த குரலில்.

11 வருட தாமதம் மனிதாபிமானமே இல்லாத செயல்- உயர்நீதிமன்றத்தில் ஜேத்மலானி ஆவேசம்

2011-08-30T11:04:00.001+02:00

சென்னை: ஒருவர் தாக்கல் செய்த கருணை மனு மீது முடிவெடுக்க 11 வருடங்கள், 4 மாத கால தாமதம் செய்யப்பட்டுள்ளது. கிட்டத்தட்ட 21 வருடங்களை அவர் சிறையில் கழித்த நிலையில் நீ நாளை தூக்கில் தொங்க விடப் படப் போகிறாய் என்று கூறுவது மனிதாபிமானமே இல்லாதது என்று வழக்கறிஞர் ராம்ஜேத்மலானி கூறியுள்ளார்.

சென்னை உயர்நீதிமன்றத்தில் இன்று ராஜீவ் கொலையாளிகள் பேரறிவாளன், சாந்தன், முருகனுக்காக இன்று ஆஜரானார் ராம்ஜேத்மலானி. அப்போது அவர் வாதிடுகையில், கிட்டத்தட்ட 11 வருடங்கள், நான்கு மாதங்கள் தாமதம் செய்துள்ளனர், இந்த மூவரின் கருணை மனுக்களை பரிசீலனை செய்து நிராகரிக்க. இது மிகப் பெரும் வேதனை.

ஒரு மனிதனுக்கு கிட்டத்தட்ட 21 வருடங்களை சிறையில் கழித்து விட்ட நபருக்கு, கருணை மனு தாக்கல் செய்து 11 வருடங்கள் ஆகி விட்ட பின்னர், திடீரென கூப்பிட்டு உன்னை நாளை தூக்கில் போடப் போகிறோம் என்று சொல்வது எந்தவகையில் நியாயம். இது மனிதாபிமானமே இல்லாத ஒன்று.

இவ்வளவு தாமதம் ஏன் என்று கேட்டு நிச்சயம் மத்திய அரசுக்கு நோட்டீஸ் அனுப்பப்பட வேண்டும். இது சாதாரண விஷயம் இல்லை. அடிப்படையிலேயே தவறு செய்துள்ளனர். மத்திய உள்துறை அமைச்சகத்தின் பங்கு இதில் மிகவும் தவறான முன்னுதாரணத்தை ஏற்படுத்தியுள்ளது.

21 வருடங்கள் சிறையில் அடைபட்டிருப்பதே ஒருவருக்கு பெரும் மன உளைச்சலைக் கொடுக்கும் விஷயமாகும். இந்த வழக்கில் மிகப் பெரிய உளைச்சலை சந்தித்த ஒருவரை தூக்கில் போடும் முடிவை அரை மணி நேரத்தில் எடுத்துள்ளனர். இதை சாதாரணமாகஎடுத்துக் கொள்ளக் கூடாது என்று வாதிட்டார் ராம்ஜேத்மலானி.

இதையடுத்து கருணை மனுவை நிராகரிக்க ஏன் இத்தனை தாமதம் என்று கேட்டு மத்திய அரசின் உள்துறை அமைச்சகம், தமிழக அரசு ஆகியோருக்கு நோட்டீஸ் அனுப்ப நீதிபதிகள் உத்தரவிட்டனர்.

வைகோவுக்காக ஆஜரானேன்-நீதி நிலை நாட்டப்பட்டுள்ளது: ஜேத்மலானி

நீதிமன்றத்தின் இடைக்காலத் தீர்ப்புக்குப் பி்ன்னர் வெளியே வந்த ராம்ஜேத்மலானியிடம் செய்தியாளர்கள் கருத்து கேட்டபோது, நான் இங்கு நிற்க முதல் காரணம் வைகோதான். அவர் எனது நெருங்கிய நண்பர். அவருக்காகத்தான் வந்தேன். இன்று இங்கு நீதி நிலை நாட்டப்பட்டுள்ளது. நிச்சயம் நீதி சாகாது என்றார் ராம்ஜேத்மலானி.

ஜேத்மலானியால்தான் இது முடிந்தது-வைகோ

வழக்கறிஞர் உடையில் வந்திருந்த மதிமுக பொதுச் செயலாளர் வைகோ கூறுகையில், இந்த வெற்றிக்கு முழுக் காரணமும் ராம்ஜேத்மலானிதான். அவருடைய திறமையான வாதத்தால்தான் இன்று இந்த இடைக்கலாத் தடையை பெற முடிந்தது. நிச்சயம் வெல்வோம் என்றார்.

மூவரும் விடுதலையாகும் வரை போராட்டம் ஓயாது - பழ. நெடுமாறன்

2011-08-30T11:03:00.001+02:00

முருகன்இ சாந்தன்இ பேரறிவாளன் ஆ‌கியோ‌‌‌ர் ‌விடுதலையாகு‌ம் வரை போரா‌ட்ட‌‌ம் ஓயாது எ‌ன்று இல‌ங்கை த‌மிழ‌ர் பாதுகா‌ப்பு இய‌க்க‌த் தலைவ‌ர் பழ.நெடுமாற‌ன் கூ‌றினா‌ர்.

மு‌ன்னா‌ள் ‌‌பிரதம‌ர் ரா‌ஜி‌வ் கா‌ந்‌தி கொலை வழ‌க்‌கி‌ல் கு‌ற்ற‌ம்சா‌ற்ற‌ப்ப‌ட்டு‌ள்ள முருகன்இ சாந்தன்இ பேரறிவாளன் ஆ‌கியோ‌‌ரு‌க்கு தூக்குத் தண்டனை ‌நிறைவே‌ற்ற செ‌ன்னை உய‌ர் ‌நீ‌திம‌ன்ற‌ம் இடை‌க்கால தடை ‌வி‌‌தி‌த்தது.

இ‌ந்த தீர்ப்பு வந்ததை அடுத்து பழ.நெடுமாறன் செ‌ய்‌தியாள‌ர்க‌ளிட‌ம் பேசுகை‌யி‌ல்இ மூவரின் மரண தண்டனைக்கு இடைக்காலத்தடையை நீதிமன்ற‌ம் வழங்கியிருக்கிறது. 20 ஆண்டு காலமாக நாம் தொடர்ந்து நடத்தி வரும் இந்த நீண்ட நெடிய போராட்டத்தில் முதற்கட்ட வெற்றி கிடைத்திருக்கிறது.

சட்‌ட‌ப்பேரவை‌யிலு‌ம் இ‌ன்று மரண தண்டனைக்கு எதிரான தீர்மானம் ஏகமனதாக நிறைவேற்றப்பட்டிருக்கிறது. நாம் தொடர்ந்து மக்கள் இயக்கத்தை கட்ட வேண்டும். தொடர்ந்து போராட வேண்டும் என்று வேண்டுக் கொள்கிறேன்.

இந்த மூவரும் விடுதலையாகும் வரை நம்முடையை போராட்டம் ஓயாதுஇ ஓயாதுஇ ஓயாது எ‌ன்றா‌ர் பழ.நெடுமாற‌ன்.

3 பேரின் தூக்கை ஆயுள் தண்டனையாகக் குறைக்கவு‌ம் - ச‌ட்ட‌ப் பேரவையில் தீர்மானம்

2011-08-30T11:01:00.001+02:00

ராஜீவ் கொலை வழ‌க்‌கி‌ல் கு‌ற்ற‌ம்சா‌ற்ற‌ப்ப‌ட்டு‌ள்ள 3 பேரின் மரண தண்டனையை ஆயுள் தண்டனையாகக் குறைக்கும்படி தமிழக சட்டப்பேரவையில் தீர்மானம் நிறைவேற்றப்பட்டது.

சட்ட‌ப்பேரவை‌யி‌ல் முதலமை‌ச்சர் ஜெயலலிதா இன்று பேரறிவாளன்இ சாந்தன்இ முருகன் ஆகியோரின் தூக்கு தண்டனையை ஆயுள் தண்டனையாக குறைக்க வேண்டும் என்று குடியரசு‌த் தலைவ‌ரை வலியுறுத்தி தீர்மானத்தை கொண்டு வந்தார்.

அப்போது அவர் கூறுகை‌யி‌ல்இ இந்திய அரசியல் அமைப்பு சட்டப்பிரிவு 72ன்படி ராஜீவ்காந்தி கொலை வழக்கில் குற்றம் சா‌ற்றப்பட்ட பேரறிவாளன்இ சாந்தன்இ முருகன் ஆகியோரின் கருணை மனுக்களை மறுபரிசீலனை செய்து குடியரசு தலைவர் நிராகரித்த சூழ்நிலை குறித்தும் இந்த விஷயத்தில் தமிழக முதலமைச்சரான எனக்கு உள்ள அதிகாரம் சட்ட‌ப்பேரவை‌யி‌ல் 110வது விதியின் கீழ் விளக்கமாக அறிவித்தேன்.

3 பேரின் கருணை மனுவை ரத்து செய்யும் அதிகாரம் தனக்கு இல்லை என்றும் குடியரசு தலைவரால் நிராகரிக்கப்பட்ட பிறகு இதில் நடவடிக்கை எடு‌க்க முடியாது என்றும் கூறி இருந்தேன். இந்த விஷயத்தில் மீண்டும் குடியரசு தலைவர்தான் மறுபரிசீலனை செய்ய முடியும் என்று சுட்டிக் காட்டினேன்.

3 பேருக்கும் விதிக்கப்பட்டுள்ள தூக்கு தண்டனையால் தமிழக மக்கள் இடையே ஏற்பட்டுள்ள நிலை குறித்தும் பல்வேறு தரப்பினரும் வருத்தம் அடைந்தது பற்றியும் எனது கவனத்துக்கு வந்தது. பல்வேறு அரசியல் கட்சியினரும் தூக்குத் தண்டனை ரத்து செய்ய வேண்டும் என்று வேண்டுகோள் விடுத்துள்ளனர். எனக்கும் கோரிக்கை வைத்துள்ளனர். எனவே தமிழக மக்களின் உணர்வுகளுக்கு மதிப்பளிக்கும் வகையில் பின்வரும் தீர்மானத்தை கொண்டு வருகிறேன்.

தமிழக மக்களின் உணர்வுகளுக்கும்இ தமிழக அரசியல் கட்சிகளுக்கும் மதிப்பு அளிக்கும் வகையிலும்இ பேரறிவாளன்இ சாந்தன்இ முருகன் ஆகியோரின் கருணை மனுவை மறுபரிசீலனை செய்து அவர்களின் மரண தண்டனையை ஆயுள் தண்டனையாக குறைக்க நடவடிக்கை எடுக்க வேண்டும் என இந்திய குடியரசு தலைவரை தமிழ்நாடு சட்டப்பேரவை வலியுறுத்தி கேட்டுக் கொள்கிறது.

தமிழக மக்களின் உணர்வுகளுக்கு மதிப்பளித்து என்னால் முன்மொழியப்பட்ட இந்த தீர்மானத்தை ஒருமனதாக நிறைவேற்றி தர வேண்டும் என்று கேட்டுக் கொள்கிறேன் எ‌ன்று ஜெயலலிதா கூறினார்.

இதைத்தொடர்ந்து தீர்மானம் குரல் ஓட்டு மூலம் ஒருமனதாக நிறைவேறியது.

பேர‌றிவாள‌ன், முருக‌‌ன், சா‌ந்த‌னை தூ‌க்‌கி‌ல் போட 8 வார‌ம் தடை ‌வி‌‌‌‌தி‌த்தது செ‌ன்னை உய‌ர் ‌நீ‌திம‌ன்ற‌ம்

2011-08-30T10:59:00.001+02:00

மு‌ன்னா‌ள் ‌பிரதம‌ர் ‌ரா‌‌ஜி‌வ் கா‌ந்‌தி கொலை வழ‌க்‌கி‌ல் கு‌ற்ற‌ம்சா‌ற்ற‌ப்ப‌ட்டு‌ள்ள பேர‌றிவாள‌ன், முருக‌‌ன், சா‌ந்த‌ன் ஆ‌கியோரு‌க்கு தூ‌க்கு‌த் த‌ண்டனை ‌நிறைவே‌ற்ற செ‌ன்னை உய‌ர் ‌நீ‌திம‌ன்ற‌ம் 8 வார கால‌ம் இடை‌க்கால தடை ‌வி‌தி‌த்து‌ள்ளது.

தூக்கு தண்டனையை ரத்து செய்யக் கோரி 3 பேரின் சார்பில் செ‌ன்னை உய‌ர் ‌நீ‌திம‌ன்ற‌த்த‌ி‌ல் தனித்தனி மனுக்கள் தாக்கல் செய்யப்பட்டன. இ‌ந்த மனுக்களில், 1991இல் கைது செய்யப்பட்ட நாங்கள் 20 ஆண்டுகளுக்கும் மேலாக சிறையில் உள்ளோம். எங்களுக்கு தூக்கு‌த் தண்டனை விதித்து 1998 ஜனவரியில் தடா சிறப்பு நீதிமன்றம் உத்தரவிட்டது. இதனை உறுதி செய்து 1999 மே மாதம் உச்ச நீதிமன்றம் தீர்ப்பளித்தது. அதன் பிறகு தமிழக ஆளுநருக்கு நாங்கள் 2 முறை அளித்த கருணை மனுக்களும் நிராகரிக்கப்பட்டன.

இதன் தொடர்ச்சியாக 26.4.2000இல் குடியரசுத் தலைவருக்கு கருணை மனு அனுப்பினோம். எனினும், எங்கள் மனு மீது பல ஆண்டுகளாக எந்த முடிவும் எடுக்கப்படாத நிலையில், உடனடியாக முடிவெடுக்கும்படி நினைவுபடுத்தி அடுத்தடுத்து கடிதம் எழுதினோம். எனினும் எந்த முடிவும் எடுக்கப்படவில்லை.

இந்தநிலையில் 11 ஆண்டுகளுக்குப் பின் இம்மாதம் 12ஆம் தேதி எங்கள் கருணை மனுக்களை நிராகரித்து குடியரசுத் தலைவர் உத்தரவு பிறப்பித்துள்ளார். மேலும் வரும் 9ஆம் தேதி நாங்கள் தூக்கிலிடப்பட உள்ளதாக எங்களுக்கு தகவல் தெரிவிக்கப்பட்டுள்ளது.

நாங்கள் ஏற்கனவே 20 ஆண்டுகளுக்கும் மேலாக சிறையில் அடைக்கப்பட்டுள்ளோம். இது ஆயுள் தண்டனை காலத்தைவிட அதிகமாகும். மேலும், இந்த தண்டனைக் காலத்தில் பாதிக்கும் மேற்பட்ட ஆண்டுகள் தனிமைச் சிறையில் அடைக்கப்பட்டு, வாடி வருகிறோம்.

இவ்வளவு நீண்ட காலம் நாங்கள் சிறையில் வாடிய பிறகும்கூட, எங்களுக்கு தூக்கு தண்டனையை நிறைவேற்றுவது என்பது ஒரு குற்றத்துக்கு 2 தண்டனை அளிப்பதாகும். இவ்வாறு தண்டனை அளிப்பது சட்ட விரோதமானதாகும். மேலும், இது வாழ்வதற்குரிய சட்ட ரீதியிலான எங்களின் அடிப்படை உரிமையைப் பறிப்பதாகும்.

மேலும், கருணை மனுக்களின் மீது உடனடியாக முடிவெடுக்கப்பட வேண்டும் என்று ஏற்கனவே உச்ச நீதிமன்றம் உத்தரவிட்டுள்ளது. கருணை மனுக்களின் மீதான முடிவுகள் தாமதமானதால் ஏராளமான தூக்கு‌த் தண்டனை உத்தரவுகளை உச்ச நீதிமன்றமும், உயர் நீதிமன்றங்களும் ரத்து செய்துள்ளன.

இந்நிலையில், நாங்கள் குடியரசுத் தலைவருக்கு கருணை மனுவை அனுப்பிவிட்டு அதன் முடிவு தெரியாமல் 11 ஆண்டுகளுக்கும் மேலாகத் தவித்தோம். வாழ்வோமா, சாவோமா எனத் தெரியாமல் 11 ஆண்டுகளாக ஒவ்வொரு நாளும் நாங்கள் தனிமைச் சிறையில் தவித்த தவிப்பும், அனுபவித்த சித்தரவதையும் மரண தண்டனையை விடவும் மிகக் கொடுமையானது. ஆகவே, 11 ஆண்டுகளுக்கும் மேலாக எங்கள் கருணை மனு மீது முடிவெடுக்காமல் காலதாமதம் செய்ததால், எங்களின் தூக்கு‌த் தண்டனையை ரத்து செய்ய வேண்டும் என்று அவர்கள் 3 பேரும் தங்கள் மனுக்களில் வலியுறுத்‌தி இரு‌ந்தன‌ர்.

இந்த மனுக்கள் மீதான விசாரணை நீதிபதிகள் சி.நாகப்பன், எம்.சத்தியநாராயணா ஆகியோர் அடங்கிய அம‌ர்வு மு‌ன்பு இ‌ன்று நடைபெற உள்ளது. அ‌ப்போது, மனுதாரர்கள் சார்பில் டெல்லியை சேர்ந்த பிரபல மூத்த வழ‌க்க‌றிஞ‌ர்க‌ள் ராம்ஜெத்மலானி, மும்பை மூத்த வழ‌க்க‌றிஞ‌ர்கள் மோகீத் சவுத்ரி, காலின் சால்வேல்ஸ் ஆகியோர் ஆஜராகி வாதாடினா‌ர்க‌ள்.

வழ‌க்க‌றிஞ‌ர்க‌ளி‌‌ன் வாத‌த்தை‌த் தொட‌ர்‌ந்து, பேர‌றிவாள‌ன், முருக‌‌ன், சா‌ந்த‌ன் ஆ‌கியோ‌‌‌ரு‌க்கு தூ‌க்கு‌த் த‌ண்டனை‌ ‌நிறைவே‌ற்ற ‌நீ‌திப‌திக‌ள் 8 வார‌‌ம் கால இடை‌க்கால தடை ‌வி‌தி‌த்தன‌ர்.

நாடு கடந்த தமிழீழ அரசாங்கப் பிரதமர் ருத்ரகுமாரனின் வரலாற்று சிறப்பு மிக்க உரை!

2011-08-29T11:56:00.001+02:00

3 பே‌ரி‌ன் தூ‌க்கை ர‌த்து செ‌ய்ய‌க் கோ‌ரி உய‌ர் ‌நீ‌திம‌ன்ற‌த்‌தி‌ல் மனு‌த் தா‌க்க‌ல் !

2011-08-29T11:00:00.000+02:00

மு‌ன்னா‌ள் ‌பிரதம‌ர் ரா‌ஜி‌‌வ் கா‌ந்‌தி கொலை வழ‌க்‌கி‌ல் மர‌ண த‌ண்டனை ‌வி‌தி‌க்க‌ப்ப‌ட்டு‌ள்ள பேர‌றிவாள‌‌ன், முருக‌ன், சா‌ந்த‌ன் ஆ‌கியோ‌ரி‌ன் த‌ண்டனையை ர‌த்து‌ செ‌ய்ய‌க் கோ‌ரி செ‌ன்னை உய‌ர் ‌நீ‌திம‌ன்ற‌த்‌தி‌ல் மனு‌த் தா‌க்க‌ல் செ‌ய்ய‌ப்ப‌ட்டு‌ள்ளது.

‌பிரபல வழ‌க்க‌றிஞ‌ர் ''தடா'' சந்திரசேகர் இந்த மனுக்களை இ‌ன்று தாக்கல் செய்தார். அ‌ப்போது, மனுக்கள் மீது அவசரம் கருதி உடனே விசாரணை நடத்த வேண்டும் என்று சந்திரசேகர் கேட்டுக் கொண்டார்.

இதை ஏ‌ற்று‌‌‌க் கொ‌ண்ட நீதிபதி பால்.வசந்தகுமார், நாளை விசாரணை தொடங்கும் என்று அறிவித்தார்.

இதையடுத்து இந்த மனுக்கள் மீதான விசாரணை நாளை முதல் உய‌ர் ‌நீ‌திம‌ன்ற‌த்‌தி‌ல் நடைபெற உள்ளது. இதில் ‌பிரபல மூ‌த்த வழ‌க்க‌றிஞ‌ர் ராம்ஜெத்மலானி ஆஜரா‌கி வாதாடு‌கிறா‌ர்.

பேர‌றிவாள‌‌ன், முருக‌ன், சா‌ந்த‌ன் ஆ‌கியோ‌ரி‌ன் சா‌ர்‌பி‌ல் மு‌ம்பையை சே‌ர்‌ந்த ‌பிரபல வழ‌க்க‌றிஞ‌ர்க‌ள் யுக்முகுக் வாகித் சவுத்திரி, காலின் கான்சிலிஸ் ஆகிய வாதாடு‌கிறா‌ர்க‌ள்.

பேரறிவாளன் சாந்தன் முருகன் உயிர்காக்க இன்றைய முக்கிய செய்திகள்

2011-08-29T10:55:00.000+02:00

மூவரை காக்க மக்கள் மன்ற பெண் தோழர் செங்கொடி தீக்குளித்து மரணம்

மூவர் உயிரைக் காப்பாற்றக்கோரி காஞ்சிபுரத்தில் 27 அகவையுடைய செங்கொடி (மக்கள் மன்றம் இயக்கத்தைச் சேர்ந்தவர்) வட்டாட்சியர் அலுவலகம் முன் தூக்குதண்டனையை இரத்து செய்யக்கோரி தீக்குளித்துள்ளார்.

பேரறிவாளன், முருகன், சாந்தன் தூக்கை ரத்து செய்யக்கோரி காஞ்சீயில் இளம்பெண் தீக்குளித்து இறந்தார். காஞ்சிபுரம் ஓரிக்கையைச் சேர்ந்தவர் செங்கொடி ( 27). இவர் மக்கள் மன்றம் இயக்கத்தில் உள்ளார்.

காஞ்சி மக்கள் மன்ற தோழர் செங்கொடிக்கு வீரவணக்கம்

28.08.2011 மாலை இவர், காஞ்சிபுரம் வட்டாட்சியர் அலுவலகம் முன்பாக பேரறிவாளன், முருகன், சாந்தன் தூக்கை எதிர்த்து முழக்கமிட்டபடி தீக்குளித்தார். மருத்துவமனைக்கு கொண்டு செல்லும் வழியில் செங்கொடி உயிரிழந்தார். இந்நிலையில் பேரறிவாளன், முருகன், சாந்தன் ஆகியோரின் உயிரை காப்பாற்ற அரசுக்கு உருக்கமான கடிதம் எழுதி உள்ளார் செங்கொடி. இந்த கடிதம் தற்போது கிடைத்துள்ளது.

21 ஆண்டுகளாக சிறையில் வாடும் மூவரின் தூக்குத்தண்டனையை ரத்து செய்ய வேண்டும் என்று கடிதத்தில் உருக்கமான வேண்டுகோள் விடுத்துள்ளார்.

முதல்வர் ஜெயலலிதா இந்த விசயத்தில் தலையிட்டு தூக்கை ரத்து செய்ய நடவடிக்கை எடுக்க வேண்டும் என்று கோரிக்கை விடுத்துள்ளார்.

இது தொடர்பாக பழ. நெடுமாறன் விடுத்துள்ள அறிக்கை :

மரண தண்டனை விதிக்கப்பட்டுள்ள 3 தமிழர்களின் உயிர்களை காக்க வேண்டும் என்ற கோரிக்கையை முன் வைத்து காஞ்சிபுரத்தில் செங்கொடி எனும் இளம் பெண் தீக்குளித்து தன்னுயிரை தியாகம் செய்த செய்தி கேட்டு அதிர்ச்சியும் அளவற்ற வேதனையும் அடைந்தேன்.

முதல்வரிடம் முறையிடுவது, நீதி மன்றத்தில் வாதாடுவது, மக்களை திரட்டிக் குரல் கொடுப்பது ஆகிய வழிகளில் நாம் இணைந்து ஒன்று பட்டுப் போராடுவதின் மூலமே மூவரின் உயிர்களை காக்க முடியும். நம்மை நாமே அழித்துக் கொள்வதின் மூலம் அதை செய்ய முடியாது என்பதை உணருமாறு அனைவரையும் வேண்டிக் கொள்கிறேன்.

3 உயிர்களை காக்கத் தொடர்ந்து போராடுவதற்கு பதில் நமது உயிர்களை அழித்துக் கொள்வது என்பது நமது நோக்கத்திற்கே முரணானதாகும். இத்தகைய செயல்களில் யாரும் ஈடுபட வேண்டாமென வேண்டிக் கொள்கிறேன்.

00000

3 பே‌ரி‌ன் தூ‌க்கை ர‌த்து செ‌ய்ய‌க் கோ‌ரி கோவை‌யி‌ல் இர‌யி‌ல் ம‌றிய‌ல் 660 பே‌ர் கைது

பேர‌றிவாள‌‌ன் முருக‌ன் சா‌ந்த‌ன் ஆ‌கியோ‌ரி‌ன் தூ‌க்கு‌‌த் த‌ண்டனையை ர‌த்து செ‌ய்ய‌க் கோ‌ரி கோவை‌யி‌ல் நட‌ந்த இர‌யி‌ல் ‌ம‌றிய‌லி‌ல் 660 பே‌ர் கைது செ‌ய்ய‌ப்ப‌ட்டன‌ர்.

3 பேரு‌க்கு வரு‌ம் 9ஆ‌ம் தே‌தி தூ‌க்கு‌த் ‌த‌ண்டனை ‌நிறைவே‌ற்ற‌ப்பட உ‌ள்ள ‌நிலை‌யி‌ல் த‌மிழக‌ம் முழுவது‌ம் போரா‌ட்ட‌ங்க‌ள் இர‌யி‌ல் ம‌றிய‌ல் ம‌‌னித ச‌ங்‌கி‌லி உ‌ள்‌ளி‌ட்ட ப‌ல்வேறு வகை‌யி‌ல் நடைபெ‌ற்று வரு‌கி‌ன்றன.

கோவை‌யி‌ல் இ‌ன்று நட‌ந்த இர‌யி‌ல் ம‌றியல‌் போரா‌ட்ட‌த்‌தில‌் ச‌ட்ட‌க் க‌ல்லூ‌ரி மாணவ‌ர்க‌‌ள் பெ‌ரியா‌ர் ‌திரா‌விட‌ர் கழக‌ம் நா‌ம் த‌மிழ‌ர் இய‌க்க‌ம் ம.‌தி.மு.க. உ‌ள்‌ளி‌ட்டவ‌ர்க‌ள் ப‌‌ங்கே‌ற்றன‌ர். இ‌ந்த இர‌யி‌ல் ம‌றிய‌லி‌ல் ஈடுப‌ட்ட 660 பே‌ர்‌ கைது செ‌ய்‌ய‌ப்ப‌ட்டன‌ர்.

0000

4 வது நாளாக பெண் வழ‌க்க‌றிஞ‌ர்கள் உண்ணாவிரதம்

முன்னாள் பிரதமர் ராஜீவ்காந்தி கொலை குற்றவாளிகள் பேரறிவாளன், சாந்தன், முருகன் ஆகியோருக்கு தூக்கு‌த் தண்டனையை ரத்து செய்யக்கோரி சென்னையில் 4வது நாளாக பெண் வழ‌க்க‌றிஞ‌ர்கள் 3 பேர் உண்ணாவிரதம் இருந்து வருகின்றனர்.

சென்னை உய‌ர் ‌‌நீ‌திம‌ன்ற வழ‌க்க‌‌றிஞ‌ர்கள் கயல்விழி, அங்கையற்கன்னி, வடிவாம்பாள் ஆகியோர் கோயம்பேடு பேரு‌ந்து நிலையம் அருகே இ‌ன்று 4வது நாளாக உண்ணாவிரதம் இரு‌ந்து வரு‌கி‌ன்றன‌ர்.

இவ‌ர்களு‌க்கு அ‌ர‌சிய‌ல் க‌ட்‌சி‌த் தலைவ‌ர்க‌‌ள், நடிக‌ர்க‌ள், இய‌க்குந‌ர்க‌ள் உ‌ள்‌ளி‌ட்ட ப‌ல்வேறு தர‌ப்‌பி‌ல் ஆதரவு தெ‌ரி‌வி‌த்து வரு‌கி‌ன்றன‌ர்.

0000

யாரு‌ம் உ‌யிரை மா‌ய்‌க்க வேண்டாம் - பழ.நெடுமாறன்

மரண தண்டனை விதிக்கப்பட்டுள்ள மூன்று உயிர்களைக் காக்க வேண்டும் என்பதற்காக யாரும் முரணான செயலில் ஈடுபட வேண்டாம் என்று 3 தமிழர் உயிர்காப்பு இயக்கத்தின் ஒருங்கிணைப்பாளர் பழ.நெடுமாறன் கே‌ட்டு‌க் கொ‌ண்டு‌ள்ளா‌‌ர்.

இது தொடர்பாக அவர் வெளியிட்டு‌ள்ள அறிக்கை‌யி‌ல், மரண தண்டனை விதிக்கப்பட்டுள்ள 3 தமிழர்களின் உயிர்களைக் காக்க வேண்டும் என்ற கோரிக்கையை முன்வைத்து காஞ்சிபுரத்தில் செங்கொடி எனும் இளம்பெண் தீக்குளித்து தன்னுயிரைத் தியாகம் செய்த செய்தி கேட்டு அதிர்ச்சியும் அளவற்ற வேதனையும் அடைந்தேன்.

முதலமை‌ச்சரிடம் முறையிடுவது, நீதிமன்றத்தில் வாதாடுவது, மக்களைத் திரட்டிக் குரல் கொடுப்பது ஆகிய வழிகளில் நாம் இணைந்து ஒன்றுபட்டுப் போராடுவதின் மூலமே மூவரின் உயிர்களைக் காக்க முடியும்.

நாம்மை நாமே அழித்துக் கொள்வதின் மூலம் அதைச் செய்ய முடியாது என்பதை உணருமாறு அனைவரையும் வேண்டிக் கொள்கிறேன். 3 உயிர்களைக் காக்க தொடர்ந்து போராடுவதற்குப் பதில் நமது உயிர்களை அழித்துக் கொள்வது என்பது நமது நோக்கத்திற்கே முரணானதாகும். இத்தகைய செயல்களில் யாரும் ஈடுபட வேண்டாமென பழ.நெடுமாற‌ன் வேண்டி கே‌ட்டு‌க்கொ‌ண்டு‌ள்ளா‌‌ர்.

0000

சென்னையைத் தொடர்ந்து சேலத்திலும் நான்கு பெண் வக்கீல்கள் உண்ணாவிரதத்தில் குதித்தனர்

சேலம்: சென்னையைத் தொடர்ந்து சேலத்திலும் பெண் வக்கீல்கள் நான்கு பேர் காலவரையற்ற உண்ணாவிரதப் போராட்டத்தில் குதித்துள்ளனர். இதனால் பரபரப்பு மேலும் கூடியுள்ளது.

பேரறிவாளன், சாந்தன், முருகன் ஆகியோரை தூக்கில் போடக் கூடாது என்று வலியுறுத்தி சென்னை உயர்நீதிமன்ற வக்கீல்கள் கயல் என்கிற அங்கயற்கண்ணி, சுஜாதா மற்றும் வடிவாம்பாள் ஆகியோர் காலவரையற்ற உண்ணாவிரதப் போராட்டத்தில் ஈடுபட்டுள்ளனர். கோயம்பேட்டில் உள்ள தனியார் இடத்தில் இவர்கள் மூன்று பேரும் கடந்த நான்கு நாட்களாக உண்ணாவிரதம் இருந்து வருகின்றனர். அவர்களுடன் மேலும் சிலரும் உண்ணாவிரதம் இருந்து வருகின்றனர்.

இந்த நிலையில் சேலத்தில் நான்கு பெண் வக்கீல்கள் இன்று காலவரையற்ற உண்ணாவிரதப் போராட்டத்தில் குதித்துள்ளனர். வக்கீல்கள் தமயந்தி, கீதா, அறிவுமதி, பிரபா ஆகியோர் உண்ணாவிரதத்தில் குதித்துள்ளனர். இதனால் சேலத்தில் பரபரப்பு நிலவுகிறது.

இதற்கிடையே, சேலம் சட்டக் கல்லூரி மாணவர்கள், மாவட்ட தலைமை தபால் நிலையம் முன்பு இன்று ஆர்ப்பாட்டத்தில் ஈடுபட்டனர். அப்போது அவர்களில் சிலர் உள்ளே நுழைய முயன்றனர்.இதையடுத்து போலீஸார் கேட்டை மூ்டினர். இதைத் தொடர்ந்து இரு தரப்பினருக்கும் இடையே கடும் தள்ளுமுள்ளு ஏற்பட்டு பதட்ட நிலை உருவானது.

இந்த நிலையில் செப்டம்பர் 9ம் தேதி முதல் காலவரையற்ற கோர்ட் புறக்கணிப்புப் போராட்டத்தில் ஈடுபடப் போவதாக தஞ்சை மாவட்ட வக்கீல்கள் சங்கம் அறிவித்துள்ளது.

0000

மூன்று தமிழர்களை விடுவிக்க டெல்லி ஜந்தர்மந்தரில்10 பேர் சாகும் வரை உண்ணாவிரதம்

டெல்லி: வேலூர் சிறையில் தூக்குக் கயிற்றின் முன்பு நிறுத்தப்பட்டுள்ள மூவரைக் காப்பாற்றக் கோரி டெல்லியில், தூக்குத் தண்டனைக்கான மாணவர் அமைப்பு சார்பில் 10 பேர் சாகும் வரை உண்ணாவிரதப் போராட்டத்தில் குதித்துள்ளனர்.

டெல்லி ஜந்தர் மந்தர் பகுதிக்கு வந்த இவர்கள் பேரறிவாளன், முருகன், சாந்தன் உள்ளிட்ட யாரையும் தூக்கில் போடக் கூடாது. தூக்குத் தண்டனையை இந்தியாவிலிருந்து ஒழிக்க வேண்டும் என்ற கோரிக்கைகளை வலியுறுத்தி சாகும் வரை உண்ணாவிரதப் போராட்டத்தைத் தொடங்கினர்.

இந்த திடீர் போராட்டத்தால் அந்தப் பகுதியில் பரபரப்பு நிலவுகிறது.

300க்கும் மேற்பட்ட மாணவர்கள் சாலை மறியல்-அண்ணா சாலை ஸ்தம்பிப்பு

இதற்கிடையே, சென்னையில் 300க்கும் மேற்பட்ட மாணவ, மாணவியர் இன்று அண்ணா சாலையை ஸ்தம்பிக்க வைக்கும் வகையில் பெரும் சாலை மறியல் போராட்டத்தில் குதித்தனர்.

சைதாப்பேட்டை பனகல் மாளிகை முன்பு இன்று காலை மாணவ, மாணவியர் பெரும் திரளாக கூடினர். அங்கிருந்து ஊர்ர்வலமாக ஆளுநர் மாளிகைக்கு செல்ல அவர்கள் திட்டமிட்டனர். இதையடுத்து போலீஸார் பெருமளவில் குவிக்கப்பட்டனர். ஊர்வலம் போகக் கூடாது என்று அவர்கள் மாணவ, மாணவியரை தடுத்து நிறுத்தினர். ஆனால்அதை மீறி அவர்கள் செல்ல முயன்றதால் பெரும் தள்ளு முள்ளு ஏற்பட்டது. இதையடுத்து அனைவரும் அப்படியே அண்ணா சாலையில் அமர்ந்து மறியல் போராட்டத்தில் குதித்தனர்.

இதநால் சாலையில் போக்குவரத்து நெரிசல் ஏற்பட்டு எந்த வாகனமும் செல்ல முடியாத நிலை ஏற்பட்டது. இதையடுத்து போலீஸார் அவர்களை வலுக்கட்டாயமாக அப்புறப்படுத்தினர்.

0000

மரண தண்டனை ஒழிப்பு மாநாடு [காணொளி]

2011-08-29T10:28:00.000+02:00

3 பே‌ரி‌ன் தூ‌க்கு‌த் த‌‌ண்டனையை ‌நிறு‌த்த முதலமை‌ச்சரு‌க்கு அ‌திகார‌‌ம் இ‌ல்லை - ஜெயல‌லிதா

2011-08-29T09:53:00.000+02:00

ரா‌ஜி‌வ்கா‌ந்‌தி கொலை வழ‌க்‌கி‌ல் தூ‌க்கு‌த் த‌ண்டனை ‌வி‌தி‌க்க‌ப்ப‌ட்டு‌ள்ள பேர‌‌றிவாள‌ன், முருக‌ன், சா‌ந்த‌ன் ஆ‌கியோ‌ரி‌ன் த‌‌ண்டனையை ‌நிறு‌த்த முதலமை‌ச்சரு‌க்கு இ‌ல்லை எ‌ன்று த‌மிழக முதலமை‌ச்ச‌ர் ஜெயல‌லிதா ச‌ட்ட‌ப்பேரவை‌யி‌ல் இ‌ன்று தெ‌‌ரி‌வி‌த்து‌ள்ளா‌ர்.

சட்ட‌ப்பேரவை‌யி‌ல் 110வது விதியின் கீழ் முதலமை‌ச்ச‌ர் ஜெயல‌‌லிதா இ‌ன்று ஒரு அறிக்கையை வாசித்தார். அதில் கூறியிருப்பதாவது:

1991 ஆம் ஆண்டு, மே மாதம் 21 ஆம் நாள், முன்னாள் பாரதப் பிரதமர் ராஜீவ் காந்தி ஸ்ரீபெரும்புதூரில் நடைபெற்ற தேர்தல் பிரச்சார பொதுக்கூட்டத்தில் கலந்து கொள்ள வந்தபோது படுகொலை செய்யப்பட்டார் என்பதை இந்த மாமன்ற உறுப்பினர்கள் நன்கு அறிவீர்கள். இது தொடர்பான வழக்கு பூந்தமல்லி தடா நீதி மன்றத்தில் விசாரணை செய்யப்பட்டு, குற்றம் சா‌ற்றப்பட்ட 26 பேருக்கும் தூக்கு தண்டனை விதிக்கப்பட்டது.

அதனை எதிர்த்து குற்றம் சா‌ற்றப்பட்டவர்கள் உச்ச நீதிமன்றம் வரை சென்று மேல்முறையீடு செய்ததில், உச்ச நீதிமன்றம் நளினி, ஸ்ரீஹரன் என்கிற முருகன், சுதேந்திரராஜா என்கிற சாந்தன், பேரறிவாளன் என்கிற அறிவு, ஆகிய நான்கு பேருக்கும் தூக்கு தண்டனையை உறுதி செய்தது.

மேலும் 3 பேருக்கு தூக்கு தண்டனையை ஆயுள் தண்டனையாகக் குறைத்தது. எஞ்சிய 19 பேரை விடுதலை செய்தது. உச்ச நீதிமன்றத்தின் இந்தத் தீர்ப்பை எதிர்த்து, தூக்கு தண்டனை விதிக்கப்பட்ட 4 நபர்களும் மறு ஆய்வு மனுதாக்கல் செய்தனர். இதனை 8.10.1999 அன்று உச்ச நீதிமன்றம் நிராகரித்து உத்தரவிட்டது. 17.10.1999 அன்று மேற்கண்ட தூக்கு தண்டனை கைதிகள் தமிழக ஆளுநருக்கு கருணை மனுக்களை சமர்ப்பித்தார்கள். 27.10.1999 அன்று தமிழக ஆளுநர் இவர்களின் கருணை மனுக்களை நிராகரித்து ஆணையிட்டார்.

தூக்கு தண்டனை கைதிகள் சென்னை உயர் நீதிமன்றத்தில் இது தொடர்பாக வழக்குகள் தொடுத்தனர். இந்த வழக்குகளை விசாரித்த சென்னை உயர் நீதிமன்றம், 25.11.1999 அன்று வழங்கிய தீர்ப்பில், மனுதாரர்கள் தொடுத்த வழக்குகளை ஏற்று கருணை மனுக்களை நிராகரித்த ஆளுநரின் ஆணையை தள்ளுபடி செய்து, அமைச்சரவையின் ஆலோசனையைப் பெற்று புதிய ஆணை வழங்குமாறு அறிவுறுத்தியது.

இந்தப் பொருள் குறித்து 19.4.2000 அன்று அன்றைய முதலமைச்சர் கருணாநிதி தலைமையில் நடைபெற்ற அமைச்சரவைக் கூட்டத்தில் கீழ்க்கண்ட முடிவு எடுக்கப்பட்டது:

தூக்கு தண்டனை வழங்கப்பட்ட நான்கு கைதிகளில் ஒருவரான நளினியின் பெண் குழந்தை அனாதை ஆகிவிடும் என்று முதலஅமைச்சர் தெரிவித்த கருத்திற்கிணங்க, நளினி ஒருவருக்கு மட்டும் கருணை காட்டி மரண தண்டனையை ஆயுள் தண்டனையாகக் குறைக்கலாம் என்றும், மற்றவர்களைப் பொறுத்த வரையில் அவர்களது கருணை மனுக்களை நிராகரிக்கலாம் என்றும் ஆளுநருக்கு ஆலோசனை வழங்க அமைச்சரவை முடிவெடுத்தது.

கருணாநிதி தலைமையிலான அமைச்சரவையின் முடிவினை ஏற்று ஆளுநர் 21.4.2000 அன்று ஒப்புதல் அளித்தார். அதன்படி தூக்கு தண்டனை விதிக்கப்பட்ட 4 நபர்களில் சாந்தன், முருகன், பேரறிவாளன் ஆகியோரது தூக்கு தண்டனை உறுதி செய்யப்பட்டது. இந்த மூன்று நபர்களும் குடியரசுத் தலைவருக்கு அளித்த கருணை மனுக்களை தமிழ்நாடு அரசு 28.4.2000 நாளிட்ட கடிதத்தின்படி மத்திய அரசுக்கு அனுப்பி வைத்தது.

இதன் மீது மத்திய அரசின் உள்துறை, தனது 12.8.2011 நாளிட்ட கடிதத்தில் இந்தியக் குடியரசுத் தலைவர் இந்த கருணை மனுக்களை நிராகரித்து உத்தரவிட்டுள்ளதாகத் தெரிவித்து, இதனை மேற்கண்ட கைதிகளுக்கு தெரியப்படுத்துமாறு தெரிவித்து உள்ளது. இந்தக் கடிதத்தின் விவரம் சம்பந்தப்பட்ட கைதிகளுக்குத் தெரிவிக்கப்பட்டு உள்ளது.

இந்த நிலையில் பல்வேறு அரசியல் கட்சிகளைச் சார்ந்தவர்கள் தூக்கு தண்டனை விதிக்கப்பெற்ற மேற்படி பேரறிவாளன், சாந்தன், முருகன் ஆகியோரை தூக்கு தண்டனையில் இருந்து காப்பாற்ற வேண்டும் என்று எனக்கு கோரிக்கைகள் விடுத்துள்ளதாக பத்திரிகைகளில் செய்திகள் வந்துள்ளன.

மேலும் பேரறிவாளனின் தாய் அற்புதம் அம்மாள், எனக்கு எழுதியுள்ள கடிதத்தில் தனது மகனை விடுவிக்குமாறு வேண்டி உள்ளார். தமிழ்நாடு திரைப்பட இயக்குநர்கள் சங்கம் பேரறிவாளன் உள்ளிட்ட மூன்று நபர்களின் தூக்கு தண்டனையை ரத்து செய்ய என்னிடம் கோருவதாக தீர்மானம் ஒன்று நிறைவேற்றி உள்ளதாக தமிழ்நாடு திரைப்பட இயக்குநர்கள் சங்கத்தின் தலைவர் பாரதிராஜா கடிதம் எழுதி உள்ளார்.

மேலும் சிலர் இது பற்றி கடிதங்கள் எழுதி உள்ளனர். இதில் எல்லோரும் கவனிக்க வேண்டிய உண்மை என்னவென்றால், பேரறிவாளன் உள்ளிட்ட மூவரை மரண தண்டனையிலிருந்து தமிழக முதலமைச்சராகிய நான் காப்பாற்ற வேண்டும் என்று முன்னாள் முதலமைச்சர் கருணாநிதியும் வேண்டுகோள் விடுத்திருக்கிறார்.

ஆனால் 2000ஆம் ஆண்டில் முதலமைச்சராக இருந்த இதே கருணாநிதிதான் தனது தலைமையில் நடைபெற்ற அமைச்சரவை கூட்டத்தில் பேரறிவாளன் உள்ளிட்ட மூவரின் கருணை மனுக்களையும் நிராகரிக்கலாம் என்றும், மூவருக்கும் விதிக்கப்பட்ட மரண தண்டனையை உறுதி செய்யலாம் என்றும் தீர்மானம் நிறைவேற்றி ஆளுநருக்கு அனுப்பியுள்ளார்.

அன்றைய முதலமைச்சர் கருணாநிதியின் இந்தப் பரிந்துரையை அன்றைய ஆளுநரும் ஏற்றுக்கொண்டார். இவ்வாறு பேரறிவாளன் உள்ளிட்ட மூவருக்கும் அளிக்கப்பட்ட மரண தண்டனையை உறுதி செய்து விட்டு, செய்வதையெல்லாம் செய்துவிட்டு, இன்று ஒன்றும் தெரியாதது போல், அவர்களை காப்பாற்ற வேண்டும் என்று கருணாநிதி அறிக்கை வெளியிடுகிறார் என்றால், இது இரட்டை வேடம் அல்லாமல், பித்தலாட்டம் அல்லாமல், கபட நாடகம் அல்லாமல், வேறு என்ன என்பதை தமிழ் மக்கள் சிந்திக்க வேண்டும்.

தமிழ்நாடு முதலமைச்சர் என்ற முறையில் பேரறிவாளன் உள்ளிட்ட மூவரின் தூக்கு தண்டனையை ரத்து செய்யும் அதிகாரம் எனக்கு இருப்பது போலவும், அந்த அதிகாரத்தை நான் பயன்படுத்தி அவர்களை காப்பாற்ற முடியும் என்பது போலவும் பேசப்படுவது சட்டத்தின்படி சரியானது அல்ல. பல்வேறு அரசியல் கட்சிகளைச் சார்ந்தவர்கள் சட்டங்களைத் தெரிந்து கொண்டு வேண்டுமென்றே இவ்வாறு எனக்கு அதிகாரம் இருப்பது போல சொல்லி வருகிறார்களா? அல்லது சட்டங்களைப் பற்றி எதுவுமே தெரியாமல் முதலமைச்சருக்கு இத்தகைய அதிகாரம் இருப்பதாக கூறுகிறார்களா? என்பது தெரியவில்லை.

எனவே சட்ட நிலைமை என்ன என்பதை இந்த மாமன்றத்தின் வாயிலாக பொது மக்களுக்கு தெரிவிப்பது எனது கடமை ஆகும் எனக் கருதுகிறேன். உச்ச நீதிமன்றத்தால் தூக்கு தண்டனை விதிக்கப்பட்டவர்களுக்கு ஆளுநரோ அல்லது குடியரசுத் தலைவரோதான் இந்திய அரசமைப்புச் சட்டத்தின் படி மன்னிப்பு அளிக்க முடியும்.

இவர்களுக்கு ஆளுநர் மன்னிப்பு அளிக்க வேண்டும் எனக் கருதப்பட்டிருந்தால் 2000ஆம் ஆண்டு அன்றைய முதலமைச்சர் கருணாநிதி தலைமையில் நடைபெற்ற அமைச்சரவை கூட்டத்தில்தான் அதற்கான முடிவு எடுத்திருக்க முடியும்; எடுத்திருக்க வேண்டும். அமைச்சரவையின் அறிவுரைப்படி ஆளுநரால் பேரறிவாளன் உள்ளிட்ட மூவரின் கருணை மனுக்கள் நிராகரிக்கப்பட்டு, பின்னர் குடியரசுத் தலைவராலும் மூவரின் கருணை மனுக்கள் நிராகரிக்கப்பட்டு உள்ள இந்த நிலையில், தூக்கு தண்டனையை ரத்து செய்வதற்கோ, நிறுத்தி வைப்பதற்கோ எந்தவித அதிகாரமும் தமிழக முதலமைச்சராகிய எனக்கு இல்லை என்பதைத் தெரிவித்துக் கொள்கிறேன்.

குடியரசுத் தலைவரால் கருணை மனுக்கள் நிராகரிக்கப்பட்ட நிலையில், மீண்டும் அதே பொருள் தொடர்பான கருணை மனுவை மாநில ஆளுநர் பரிசீலிக்க வேண்டும் என மாநில அரசு கோர முடியாது என 1991 ஆம் ஆண்டே மத்திய அரசு தெளிவுரை வழங்கி உள்ளது. 5.3.1991 நாளிட்ட கடிதத்தில் மத்திய உள்துறை அமைச்சரகம் பின் வருமாறு தெரிவித்துள்ளது:

இப்பொருள் தொடர்பாக அரசமைப்புச் சட்டத்தின் பொருத்தமான தன்மைகளைக் கருத்தில் கொண்டு பரிசீலித்த மத்திய அரசு, மரண தண்டனை குறித்த நிகழ்வுகளில் அதன் தொடர்பான கருணை மனு இந்திய அரசமைப்புச் சட்டம் 72ன் கீழ் குடியரசுத் தலைவருக்கு உள்ள அதிகாரத்தின்படி குடியரசுத் தலைவரால் நிராகரிக்கப்பட்டிருந்தால், அது தொடர்பாக இந்திய அரசமைப்புச் சட்டத்தின் பிரிவுகூறு 161ன்படி உள்ள அதிகாரத்தை பயன்படுத்த மாநில அரசிற்கு அதிகாரம் இல்லை என்று அரசமைப்புச் சட்டத்தின் பிரிவு கூறு 257 (1)ன்படி கட்டளையிடுகிறது.

இருப்பினும் சூழ்நிலைகள் மாறுபட்டிருந்தாலோ அல்லது புதியதாக ஏதாவது ஆதாரம் இருந்தாலோ, மரண தண்டனை பெற்ற நபரோ அல்லது அவர் சார்பாக வேறு ஒருவரோ, குடியரசுத் தலைவரின் முந்தைய உத்தரவை மறுபரிசீலனை செய்யுமாறு புதியதாக ஒரு மனுவினை குடியரசுத் தலைவருக்கு சமர்ப்பிக்கலாம்.

குடியரசுத் தலைவரால் கருணை மனு நிராகரிக்கப்பட்ட பின்னர், அது தொடர்பாக பின்னர் தாக்கல் செய்யப்படும் அனைத்து மனுக்களும் குடியரசுத் தலைவருக்குதான் சமர்ப்பிக்கப்பட வேண்டும்; இது குறித்து நடவடிக்கையை குடியரசுத் தலைவர்தான் எடுப்பார். எனவே பேரறிவாளன் உள்ளிட்ட மூன்று நபர்களின் கருணை மனு குடியரசுத் தலைவரால் நிராகரிக்கப்பட்ட நிலையில், இதனை மாற்றுவதற்கு எந்த வித அதிகாரமும் மாநில முதலமைச்சர் என்ற முறையில் எனக்கு இல்லை என்பதை வலியுறுத்தி தெரிவிக்க விரும்புகிறேன்.

இந்த நிலையில் எனக்கு இதற்கான அதிகாரம் இருக்கிறது என்ற பிரச்சாரத்தை அரசியல் கட்சித் தலைவர்கள் எவரும் மேற்கொள்ள வேண்டாம் என்று இந்தப் பேரவையின் வாயிலாக கேட்டுக்கொள்கிறேன். குடியரசுத் தலைவரால் கருணை மனு நிராகரிக்கப்பட்ட நிலையில், இந்த மூவரின் உயிரைக் காப்பாற்ற தற்கொலை செய்து கொள்வதாக ஒரு கடிதம் எழுதி வைத்து விட்டு, மக்கள் மன்றம் என்ற அமைப்பைச் சேர்ந்த செங்கொடி என்ற இளம்பெண் தற்கொலை செய்து கொண்டதாக வந்துள்ள செய்தி எனக்கு மிகுந்த வருத்தத்தை ஏற்படுத்தி உள்ளது. உணர்ச்சி வயப்பட்டு, இது போன்ற செயல்களில் யாரும் ஈடுபட வேண்டாம் என்றும் நான் கேட்டுக் கொ‌ள்‌கிறே‌ன் எ‌ன்று அ‌தி‌ல் கூறப்பட்டுள்ளது.

http://tamil.webdunia.com